Uda garaian gau eskola hetsia izanik ere, euskara lantzen segitzeko
Ikasturte bukaeran hetsi zituzten ateak gau eskolek. Uda pausatzeko ere bada, baina bainu eta besten artean ere, euskara lantzen segitzeko kalitatezko proposamenak bildu dizkizugu artikulu honetan.
2022ko Uztailaren 25a | | ± 02min 06s
ELANTZEN
Elantzen webgunean euskara lantzeko baliabide digital andana atzemanen dituzue. Askotariko materiala bildu dute: abestiak, bideoak, olerkiak, gramatika eta testuak, norberak gustukoen duena erabil dezan.
Bereziki gomendatzen dizkizuegu Miñan liburuaren inguruan sortu dituzten jarduerak.
"Euskal literatura biziki aberatsa da gaur egun, baina oraindik irakurle guti dira, euskaldun berrien artean bereziki. Amets Arzaillus eta Ibrahima Baldek 2021ean idatzitako liburua, ahozko hizkuntza batean idatzia da, eta horregatik ulertzeko sinplea da, nahiz eta lexikoan zein gramatikan (hizkuntza baliabideetan) aberatsa izan. Horrez gain, iparraldeko euskalkian idatzia da."
Proiektua 11 kapitulutan zatitua da. Kapitulu bakoitzean jatorrizko testua, bideo bat eta ariketak proposatzen dituzte: hiztegia, gramatika, ulermena, idazmena…
Hasiera orria: https://elantzen.eus/minan/
Jarduera adibide bat: https://elantzen.eus/minan-1-1/
IKASBIL
Ikasbil webgunean, hainbat ariketa atzemanen dituzue entzumena, idazmena, irakurmena, hiztegia eta gramatika lantzeko mailaren arabera sailkaturik (A1, A2,B1, B2, C1 eta C2).
Adibide gisa, ikus B1 mailako jarduera hau: "Hartu guztia, oporretara goaz!": https://www.ikasbil.eus/eu/jarduerak-fitxa?articleId=29578326
Horrez gain, irakurketa mailakatuak proposatzen dituzte: https://www.ikasbil.eus/eu/bilatzaile-orokorra?filtros=Baliabideak&Baliabideak=16111142&ordenarPor=Pub.+data
Baita norbere maila neurtzeko autoebaluazio probak ere: https://www.ikasbil.eus/eu/ezagutu-zure-maila
BOOKTEGI
Booktegi webgunea euskal literaturaren ataria da. Bertan, urririk deskarga daitezke euskarazko liburu, aldizkari eta bestelako irakurgaiak.
JOKOAK
Azkenik, hitzekin jolasteko pare bat joko ekarri dizkizuegu,egunerokoan aritzeko:
BERBAXERKA Jokoan zazpi letra ezberdin biltzen dira egunero, eta ahalik hitz gehien osatu behar ditu jokalariak: https://www.berria.eus/berbaxerka/
WORDLE Egunero berritzen da jokoa. 6 saiakera ditugu gordetako hitza asmatzeko: https://wordle.talaios.coop/
