Euskararen bisaiak

Aurten, bi aste guziz, BAMeko euskaragile baten ezagutza egin dugu webgune honen bidez. Guztira 30 lekukotasun bildu ditugu.

2021eko Abenduaren 30a | | ± 42s

Elkarrizketa hauek euskaldunon aniztasunaren isla dira: jatorri, genero, adin, lanbide ezberdinetako jendea ezagutu dugu eta bakoitzak bere biografia linguistikoari buruz hitz egin digu. Ezberdinak diren arren, denek dute gutxienez puntu amankomun bat: euskararen aldeko engaiamendua.

Erakutsi digute Angelun, Miarritzen edo Baionan euskaraz bizitzea posible dela, horretarako hautua egiten baduzu.

Urteko azken artikulu honetan, gure kameraren aitzinean agertzea onartu duzuen euskaragile guziak eskertu nahi zaituztegu eta egunero-egunero euskararen alde egiten dituzuen hitz eta ekintzengatik zoriondu nahi zaituztegu!

Eta milesker LaukitikAt-eko Jasoneri, potreta eder hauek lantzeagatik!

Euskaraz bizi

Olentzero

Aurten ere, ikazkin mitikoa menditik jautsiko da Mari Domingirekin batera, argiaren itzulera ospatzeko.

Elkartea

Igandea, euskararen besta Marion aintziran

Mintzalasai festibaleko egitaraua egunez egun: irailaren 22a, igandea.

Elkartea

Larunbata, deskubritzeak

Mintzalasai festibaleko egitaraua egunez egun: irailaren 21a, larunbata.

Elkartea

Ostirala, kultura eta eztabaida

Mintzalasai festibaleko egitaraua egunez egun: irailaren 20a, ostirala.

Elkartea

Osteguna, plazera har

Mintzalasai festibaleko egitaraua egunez egun: irailaren 19a, osteguna.

Elkartea

Asteazkena, haurren eguna

Mintzalasai festibaleko egitaraua, egunez egun: irailaren 18a, asteazkena.

Elkartea

Asteartea, gogoetarako tarteak

Mintzalasai festibaleko egitaraua, egunez egun: irailaren 17a, asteartea.

Baliabideak

Portretak

Portretak | Ortzi Hegoas Maroteaux

Biarritzen euskaraz bizitzea helburua da, ez da ametsa

Begien urdin kolore berdina duen kasketa buruan eta irribarrea aurpegian agurtu gaitu Ortzi Hegoasek (1988 Baiona) Marion aintziraren inguruan. Xutik taldearekin musikan ari ez denean, agenda nola betetzen duen kontatu digu Biarritzeko musikariak. Publikoarekin, lagunekin, lankideekin zein familiarekin euskaraz naturaltasunez aritzea, ametsa baino helburua duela argi du bateria jole ezagunak.

Nahia Corrihons

Haurrekin gaztetxe ttiki bat sortzen dugu asteazkenero!

Nahia Corrihons-en (1999, Donostia) burasoek ez zuten asmatzen ahal, sei urteko alabaren izena ematean Uda Lekuetan, bertan bizitako esperientziak haren bizitzan hainbeste eragin izango zuenik. Gaur egun Biarritzeko Uda Lekun lan egiten duen emazte gazteak, bere irrifar kutsakorra eta bere energia plazaz plaza partekatzen du publikoa dantzan jarriz, aita gitarra jolea ondoan duela.

Ortzi Jauregi

Uste baino euskaldun gazte gehiago gira, kostaldean ere!

Baxoa sakelan, Baionako Etxepare lizeoa atzean utzi eta Angeluko ISA BTP ingenieritza eskolako erritmora egokitzen hasia da Ortzi Jauregi Biarriztar gaztea (2004, Baionan). Eskolan zein hirian, euskalduntasuna normaltasunez eta harrotasunez bizi nahi duen gazteriaz aritu gara Marion aintziraren bazterrean.

Portretak

Biarritzen, euskaraz eta xuka, baietz!

Biarritzeko Herriko Etxeko bulegoetan gelditu gara Viviane Ithursarry (1976, Baiona) euskara zerbitzuko lankidearekin. Mintzalasai festibalaren bilana bukatu berria, euskararen aldeko dinamikaz eta euskaldun izateaz Lapurdi kostaldean aritu gara "etxeko" pilotazalearekin.

Enrike Lopez

Bizitzak euskarara eraman nau beti

Iruñeatik Biarritzera, Beriainetik Marion aintzirara, Enrike Lopezek (1964, Paue) lagun artean arituz ikasi du lehenik herri hunen hizkuntza. Lapurdi kostara iristean, hitz egitetik euskara irakasteko eta besteekin partekatzeko erabakia hartu zuen. Geroztik, Biarritzeko gau eskolan, luzatuz doa Enrikerekin, herri hunen hizkuntza eta izaera deskubritzen duten ikasleen zerrenda.