2022ko Uztailaren 18a | ± 02min 34s

Simone Veil pastorala

Hilabete luzeen lanaren emaitza, Simone Veil pastorala, hiru aldiz aurkeztuko dute Muskildin uda honetan:

• Uztailaren 24an, igandez, 15:30ean
• Uztailaren 31an, igandez, 15:30ean
• Agorrilaren 6an, larunbatez, 15:30ean

Sartzeak salgai dira Uztailaren 4tik goiti, interneten: https://www.helloasso.com/associations/xenda-berriak edo presentzialki:

• Maulen, Euskalduna jatetxean
• Atharratzen, M'Aud arrpoa saltegian
• Donapaleun, La ferme Souletine saltegian
• Donibane Garazin, Paris epizerian
• Baionan, Elkar dendan

Gaia: "Simone Veil Auschwitz-Birkenauko kontzentrazio esparruetarat igorria izan zen 17 urte baizik ez zituelarik, 1943an. Handik ilki zenez geroztik, bizi osoan jendeen eskubideen alde aritu zen lanean. Hasteko, magistratu gisa, Frantziako kartzeletako presoen bizi baldintzen alde; oroz gainetik, emazte presoen alde. Frantziako Osagarri ministro izatera heldu zen, Jacques Chiracen gobernuan. Abortua legeztatzearen alde borrokatu zen ministro gisa, 1974an, eta ondoko urtean bere deitura daraman legea onartu zen: Veil legea. 1979an, Europako Parlamentuko lehen lehendakaria izan zen garaian, "lan handia" egin zuen Alemania eta Frantziaren arteko harreman baketsuen alde." (Berria, 2022-01-18)

Hur Xenda elkartea da antolatzailea; Battitta Berrogain idazlea; Maite Davant errejenta, eta Sophie Larrandaburu kantoreen eramailea.

Maddiren trajeria

Zugarramurdi, Sara, Urdazubi eta Ainhoako biztanleek bat egin dute Gerardo Munguiak iruindarrak idatzi duen ‘Maddiren trajeria’ pastoralean parte hartzeko. "Behin batean, ez dakigu nola, sorginen bidean, neska gazte bat oreina bilakatu zen. Tragedia gertatuko zen ehiztariaren zakurrek hil zutenean"... Piarres Lafittek bildu zituen bertsoak ezagunak bilakatu dira Benito Lertxundik kantatu dituelarik eta hauetan oinarritu da Gerardo Mungia "Pintx" idazlea kondaira hau moldatzeko.

EMANALDIAK

2022ko Urriaren 15 eta 16an Zugarramurdiko lezean.

2022ko Urriaren 22 eta 23an Saran.

Info+: https://www.facebook.com/maddipastorala

Zer da pastoral bat?

Herri-antzerkia da, batez ere Xiberoan ospatzen dena, kanpoan. Antzerkia bertsoz egiten da eta süjet edo pertsonaia nagusi baten bizitzan oinarritzen da, gaiztoen eta onen arteko borroka baten arabera egituratuz. Seguru aski Erdi Aroko antzerkian du jatorria, nahiz eta lehen idazkiak XVII. mendekoak izan. Urtero Zuberoako herri bati egokitzen zaio udan pastorala bi alditan antzeztea. Errejentak zuzentzen du eta herritarrek antzezten dute pastorala.

Aurrekora Hurrengora