mintzalasai

PortretakMAIDER LOUESSARD

Maider, euskara, nire kar handia

Angeluko itsas bazterra, uhain handien burrunba eta eguzkiaren azken izpiak... Maider Louessard, eskulangile hezitzaileak gustuko duen kostalde txokoan, irriño alaia aurpegian erantzun ditu Mintza Lasaien galderak.

© LaukitikAt
irudia ikusi | © LaukitikAt

2021eko Urtarrilaren 8a | | ± 05min 28s

Noiz hartu zenuen euskara ikasteko erabakia?

Angeluko ikastolan, AEKrekin, euskara ikasteko klase bat antolatu zelarik burasoentzat, horrela hasi nintzen orain dela bi urte. Hortik goiti, ez naiz gelditu. Iaz Foruko barnetegia egin nuen bost hilabetez eta aurten segitzen dut AEKrekin Baionako gau eskolan.

Hastapenean, nire kultura aberasteko hasi nintzen, nire alabaren bigarren hizkuntza gehiago ezagutu nahi nuen ere bai. Gero klasean, fite ohartu nintzen euskaran biziki gauza ezberdinak eta interesgarriak badirela eta ulertu nuen egiazko abantaila izanen zela euskara nire bizitzan barneratzea. Kar handia ukan dudala errango nuke.

Zerk erakarri zaitu euskaldunen hizkuntzan?

Leku ezberdinetan bizitzen egon naiz, ikasteko edo lan egiteko, eta hizkuntza ezberdinak ikasi ditut, sei dakizkit. Baina euskararekin, sustraiak atzeman ditut, izan ere txikitatik etortzen nintzen Biarritzera, hemen familia dudalako. Gero, kultura gehiago, harreman soziala gehiago edukitzeko garrantzitsua izan da ere bai, Euskal Herrian bizi zarelarik euskaraz aritzea pieza garrantzitsua da puzzlean.

Zer ekarri dizu euskara ikasteak?

Aurten adibidez, lan bat lortu dut euskarari esker. Gero etxean alabarentzat naturala da euskaraz aritzea eta harekin aritzea goxoki bat hartzea bezalako sentsazioa da. Bestalde, euskarak arintasuna ematen dit, plazera, irri egiteko gogoa, jendea ezagutzeko parada. Orain adibidez irrintzilari naiz, Bizkaian ikasi dut eta indar horrek dena laburbiltzen du.

Egunean zenbat ari zira euskaraz?

Orokorrean, errango nuke denbora erdia pasatzen dudala euskaraz mintzo, aste egunetan % 80 inguru, lanean ere euskaraz ari naizelako. Gero dendetan, eta beste leku anitzetan, lehen hitza betieuskaraz ematen dut eta horri esker jende euskaldunak ezagutzen ditut.

Ingurukoek zer pentsatu dute euskara ikasten hasi zarenean?

Biziki harro egon dira. Berrogei urte ditut eta duela gutxi gertatu zait nire buruaz harro egotea lehen aldiz, lan elkarrizketa bat egin dudalako oren batez euskaraz! Gogoratu naiz duela bi urte ez nekiela hitz bakar bat ere euskaraz eta orain ordu betez egon naiz. Biziki harro naiz eta ingurukoek erran didate: Gailua bat zara! Maite dut gailua hitza!

Angelun euskaldun izatea erraz da?

Ez da erreza, baina posible dela errango nuke. Gero, Euskaraldia bezalako ekintzak biziki maite ditut, bertako jende euskalduna ezagutzeko parada ematen dutelako eta bide batez, harreman berriak euskaraz sortzeko. Beste lekuetan ere euskaraz hastea inportantea da; duela gutxi tabako saltegi batean euskaraz hasi nintzen alabarekin eta bertako langileak euskaraz erantzun zigun.

Nik, proiektua badut hemen Angelun eta Biarritzen, jarduera artistiko batzuk euskaraz antolatzeko. Ez dakit xuxen zenbat euskaldun garen kostaldean, iparraldean 75 000 inguru pertsona ari gara euskaraz, beraz egia da ez da erraza, baina bai posible da euskaraz mintzatzea.

Zein da zure gustuko txokoa euskaraz aritzeko?

Biziki maite dut goizez Biarritzeko kostaldean egotea adibidez, baina hemen leku guztietan etxean sentitzen naiz.

Zure esperientziari begiratuta, zer proposatuko zenuke, euskararen alde?

Uste dut inportantea dela egiten maite ditugun gauzak plazerez egitea eta euskaraz. Euskara naturala izan behar da, alor guztietan.

Zer errango zenioke hurbileko bati euskara ikas dezan?

Galdera batekin hasiko nintzateke: Ezagutzen dituzu hitz batzuk euskaraz?

Gehienetan jendeak badaki beti zerbait erraten, “egun on, garagardobat edo musu” bezalako hitzak adibidez....Gero pertsona horri errango nioke hitz batzuekin hasten dela mintzatzen eta animatuko nuke gehiago aritzera, lotsarik eta beldurrik gabe, nirekin adibidez. Euskara berea ere badela errango nioke, hori da nire politika.

Zer errango zenioke euskaraz ezer ezagutzen ez duen atzerritar bati?

Hizkuntza eta kultura zaharra dela; agian nire familiako historiarekin hasiko nintzateke, Biarritzen, eta hortik errango nioke zer den gure kultura eta euskal hizkuntza.

Ligatzeko balio du euskarak?

Ez dakizu Kupido euskalduna dela? Bai, biziki ongi funtzionatzen du!

Akatsak egiten ditut adibidez, maite ditut... erran ordez, maite zaitut bat eskapatzen zait eta gero inozenteki barkamenak eskatzen ditut. Estrategia ona da mezuak pasatzeko.

Eta haserretzeko?

Ez naiz anitzetan haserretzen, baina euskarak zernahi egiteko balio du beraz haserretzeko ere.

Euskararekin loturiko anekdota bat bazenuke bukatzeko?

Biziki anekdota polita dut nire alabarekin. Behin, besoan ikurriña ageri zen kamisetadun txirrindulari bat pasatu genuen autoz; kamiseta ikustean: “Begira, zer irringarria den” erran nion alabari eta hark erantzun zidan: “ez ama ez da irringarria, ederra da”. Txunditua gelditu nintzen.



Euskara, hedagailu bikaina

Portretak

Euskara, hedagailu bikaina

Hizkuntza ttikitatik bazekien arren, euskararen unibertsoa Donibane Garaziko lizeoan zabaldu zitzaion Bea Salaberriri (Donamartiri, 1979). Jakin-mina asetu nahian, Baxe Nafarroa utzi eta Baionara hurbildu zen gero, alfabetatze prozesua borobildu nahian. Lapurdiko hiriburuan kokatu da geroztik, bertan biziz, lan eginez eta idatziz.

Patxi, euskara atzo baino + bihar baino -

Portretak

Patxi, euskara atzo baino + bihar baino -

Familien karta jokoan bezala, Patxi Etcheverryk (Angelu 1981) bere burua zuhaitz genealogikoan kokatu behar izaten du maiz elkarrizketa baten hasieran. Ttikitatik, euskal kulturan murgildu da, etxean, zein Angeluko Hardoy auzoko pilotalekuan. Hizkuntzaren, musikaren, erroen edota transmisioaren garrantziaz hitz egin digu besteak beste, Hardoytarraken plaza librean.

Euskara²= etxeko mintzaira + laneko gaitasuna

Portretak

Euskara²= etxeko mintzaira + laneko gaitasuna

Frantziako hiriburuan handitu den arren, Hélène Charritton (1965 Parise) txikitatik ohartu da euskararen garrantziaz. Herrira itzultzean, irakaskuntza sailean lanpostu eta ardura ezberdinak bete zituen, frantsesez eta euskaraz. Orain, lan ibilbidean bereganatu dituen esperientzia eta gaitasunak jendearen laguntzeko baliatzen ditu Baionesak, Aturri bazterrean kudeatzen duen Ekitegia Coworking espaziotik.

Mi Yung: euskara behar da karta postalaren atzealdea irakurtzeko

Portretak

Mi Yung: euskara behar da karta postalaren atzealdea irakurtzeko

Okzitaniako Tolosatik, Lapurdi kostaldera oporretara etorri zenean entzun zuen lehen aldiz euskara Biarritzeko Mi Yung Martin grafistak (Pessac 1978). Bihotz taupadei adi egonez, Euskal Herriko bazterrak eta bizimoduak hobe ezagutzen hasi zen gero eta berehala ohartu zen euskara zela bizileku berrian sartzeko giltza...

Renaud, euskara abiadura bizian!

Portretak

Renaud, euskara abiadura bizian!

Irudiekin jostatzen gustuko zuelako ikus-entzunekoetan sartu zen buru belarri Angeluko Renaud Davant (Baiona 1992). Diploma poltsikoan, Pariseko lan esperientzia labur bat nahikoa izan zuen gero irudi munduko giroa ez zela beretzat egina ohartzeko. Frantziako hiriburutik itzultzean, euskara ikastea bilakatu zen lehentasuna. Orain, euskara irakasteaz gain, gure hizkuntzaren aldeko dinamika Biarritzen piztea bihurtu da Mizanbu gaztetxeko kidearen asmoa.

Philippe, adina bizkarrean, euskara bihotzean...

Portretak

Philippe, adina bizkarrean, euskara bihotzean...

Euskal Herriak duen itzal handiko pertsona elegante baten bisitatzera joan da aldi honetan Mintzalasai. Philippe Oyhamburu Biarriztarrak (1921.06.26, Argelès-Gazost) liburutegi ondoko bere etxean hartu gaitu irriño alaia ahoan, kalakan hartzeko prest. Dantzari, kantari, idazle, mintzalari, politikari ospetsuaren portretak tarte luzeago behar luke, euskaraz, Euskal Herriaz, anarkiaz edota kulturaz kontatzeko dituen istorio guztiak agertzeko. Hona “Poupouk” mende batean bizitakoaren lagin xume bat.

Maialen, euskara, ororen ongia

Portretak

Maialen, euskara, ororen ongia

Lan eta politika ardurak gainetik kendurik, Maialen Etcheverryk (Hazparne) momentu bat hartu du gure galderei erantzuteko. Euskararen inportantziaz medikuntzan, politikan edo izateko maneran aritu gara besteak beste Biarritzeko hautetsi eta ginekologo ohiarekin.

Brebeta euskaraz: jende katea

Brebeta euskaraz: jende katea

  • Maiatzak 19 | 12:15 | Baiona
Musika Bulegoa Sariak 2021

Musika Bulegoa Sariak 2021

  • Maiatzak 19 | 19:00 | Biarritz

2021(e)ko Maiatza

Al As Az Og Or La Ig
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31

2021(e)ko Ekaina

Al As Az Og Or La Ig
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Gaur

2021(e)ko Uztaila

Al As Az Og Or La Ig
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Gaur

2021(e)ko Agorrila

Al As Az Og Or La Ig
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Gaur

2021(e)ko Iraila

Al As Az Og Or La Ig
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
Gaur

2021(e)ko Urria

Al As Az Og Or La Ig
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Gaur

2021(e)ko Azaroa

Al As Az Og Or La Ig
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Gaur

2021(e)ko Abendua

Al As Az Og Or La Ig
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Gaur

2022(e)ko Urtarrila

Al As Az Og Or La Ig
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Gaur

2022(e)ko Otsaila

Al As Az Og Or La Ig
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28
Gaur

2022(e)ko Martxoa

Al As Az Og Or La Ig
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Gaur

2022(e)ko Apirila

Al As Az Og Or La Ig
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
Gaur