2022ko Apirilaren 15a | IHINTZA IRUNGARAI | | ± 07 min 06 s
Iparraldeko gazte anitz bezala, Baionako Santa Espiritu auzoa hautatu du bizileku gisa Ihintza Irungarai (Baiona 1991) Itsasuarrak. Geltoki ondoko ostatu goxo batean jarri digu hitzordua, dantzari eta euskaldun gisa, agenda betetzen dizkioten jarduerak eta beste erronkak aipatzeko.
2022ko Apirilaren 1a | JON LAPLACE | | ± 05 min 50 s
Baionako Eztitxu Robles kolegioan, txapela buruan eta baloi bat eskuan harrapatu dugu Jon Laplace (Baiona, 1987) ikastetxeko hezitzailea. Nerabe zein helduekin harremanak bultzatzeko, ulermena indartzeko animazioaren garrantziaz aritu zaigu luzaz, Baiona Futbol Club taldean bizi dituen momentu gozagarriez bezainbat...
2022ko Martxoaren 18a | PATXIKA ALFARO | | ± 08 min 35 s
Aldudeko sortetxea uztean, Patxika Alfarok (1943 Aldude) ez zuen imaginatzen gaztetan zokoratu zuen euskarak irekiko zion bizi bidea. Lagun talde apartaz, lanaz, kantagintzaz, familiaz eta beste hamaika bizipenez aritu zaigu Angeluko euskaltzalea.
2022ko Martxoaren 4a | ANTHONY MICHEL | | ± 06 min 49 s
Kirolarien arteko lehian, partiduen ondoko giroa lehenesten du Anthony Michel kazetari gazteak. Marseillako Kalankak atzean utzi eta lanerako etorri zen Baionara lehen aldiz, gero maitemindu zelakoan hasi zen euskara ikasten. Orain euskaraz entzun dezakezue egunero France Bleu irratiko uhinetan.
2022ko Otsailaren 18a | LIBE GONI | | ± 06 min 06 s
Baionako Santa Espiritu auzoko apartamenduan Libe Goñiren (1947 Oteitza) aurpegi argi eta alaiak errezibitu gaitu kafearen tenorean. Iparraldeko lehen ikastolen sorreraz eta Seaskaren historiaz artikulu luzea idazteko hitzordua izan zitekeena, istorio ederrez eta energiaz betetako solasaldia bihurtu da andereño eta Reiki emaile euskaldunaren ondoan.
2022ko Otsailaren 4a | JOANES HILLAU | | ± 06 min 48 s
Errege opilaren usain goxoak erakarririk, Arroka taldearen egoitza berehala aurkitu dugu Biarritzeko geltoki auzoan. Muslarien partidak eta krakada gehiegi trabatu gabe, Joanes Hillau (Baigorri, 1947) kantu zuzendaria aritu zaigu Biarritzeko kultur elkarte ezagunaren ibilbideaz, ekintzez eta helburuez: euskaraz eta kulturaz bizi, gozatu eta transmititu.
2021eko Abenduaren 17a | DELPHINE VELASCO | | ± 06 min 06 s
Ogibidez aldatu nahian, Ohakoa haurtzaindegian lan egin ahal izateko euskara indartu eta mintzapraktikan goizetik arrats aritu da Delphine Velasco (Donibane Lohitzunen, 1986). Lankideen laguntzari esker eta haur txikien goxotasuna lagun, Biarritzeko lehen haurtzaindegi euskaldunean loriatzen da orain Sokoako arrantzale familiako alaba.
2021eko Abenduaren 3a | OLENTZERO ETA MARI DOMINGI | | ± 04 min 51 s
Elkarrizketa mamitsua eskaini digute Olentzero eta Maridomingik. Guraso, irakasle, edo heldu gisa, galdera batzuk pausatu ahal izan dizkiegu pertsonaia misteriotsu hauen zentzuari buruz.
2021eko Azaroaren 19a | JURGI EKIZA | | ± 08 min 02 s
Lekornen, zuzeneko musikak soilik eman ditzakeen dardara indartsuen artean harrapatu dugu Willis Drummond taldea. Arratsaldeko entsegua bukatzean, Jurgi Ekiza kantariak (Baiona 1980ko abuztua) gure galderak erantzun ditu kontzertu aurreko ostatu hutsaren erdian.
2021eko Azaroaren 5a | LUKAS HIRIART | | ± 07 min 14 s
Lukasen aitak eskainitako ordenagailu zaharkituan muntatu zituen lehen bideo motzak kolegiotik itzultzean. Geroztik irudi munduan murgilduta bizi da Lukas Hiriart (Baiona, 1998ko apirila) eta arazorik ez du objektiboaren alde batetik bestera pasatzeko. Orain, Bada sortu du lagun taldearekin, sareak euskaraz ere astintzeko asmoz.
2021eko Urriaren 22a | ANA-MARI GRENIE | | ± 05 min 33 s
Pirripita gainean, kanpotarren artean sigi-saga iritsi da Aña-Mari Grenié (Biarritze, 1954) Portu Zaharreko hondartzara. Biarriztar honek ezin hobeki ezagutzen ditu hiriko txoko ederrak eta istorioak. Bide batez, lekuko paregabea da azken urteetako aldaketez, onez zein penagarriez ohartarazteko.
2021eko Urriaren 1a | MIKEL AMILIBIA | | ± 05 min 53 s
Pottoka gainean jauzika ibiltzen dakien arren, Mikel Amilibia (Baiona, 1983), festetan edo errugbi zelaietan gurutzatuko duzue maiz, lanean zein lagunartean. Giro ezberdinetan mugitzen gustuko duen Arrangoitzeko aitarekin, dituen zaletasunak eta lanak aipatu ditugu Aguilerako harmailetan.
