facebookinstagramyoutuberssrss

mintzalasai

Nor gira? Aurkezpena

BABko euskara elkartea

Mintzalasai herri mugimendu bat da, 2011ko azarotik landa elkarte forma hartu duena. Bere helburu nagusia euskararen biziberritzea da BAB mailan (Baiona-Angelu-Miarritze).

Euskararen geroa, neurri handi batean hirietan jokatzen da. Erabaki dugu gure eskala xumean lurralde estrategiko horretan eragitea, 3 lan ardatz garatuz:

1) Erabilpenari eskaini egunak antolatu, bere molde guzietan.

2) Eragile desberdinak batu, euskararen inguruan.

3) Hizkuntza ikusgarria eta erakargarria bilakarazi BABn.

2012az geroztik, gure elkarteak urteroko festibal bat antolatzen du irailean terrenoan lanean ari diren beste 40 elkarte ingururekin batera. Parte-hartzea hirukoiztu izan da 7 urte hauetan, 7.000 pertsona inguru hunkituz 2017an.

Aldi berean, elkarteak urtean zeharreko ekimenak antolatzen ditu, besteak beste:

- “Bestetan euskaraz” kit-a proposatzen du: gertakarien antolatzaileei eskaintzen zaien materiala da, besta giroan euskararen erabilera bultzatzeko.

- Webgune parte-hartzaile bat: hiztunei eta ikasleei eskainia, BABn euskaraz bizitzeko behar den informazio guztia biltzen duena (agenda, berri papera, aurkitegia, mapa…).

Argi dugu herritarren mobilizazioak paper garrantzitsua jokatuko duela euskararen geroan, eta Mintzalasaik bere ekarpena egin nahi du hiztunen eta euskaltzaleen arteko espazio bat osatuz.

Uste baino gehiago girelako!

Email Facebook Google Twitter LinkedIn

Informa zaitez, berripapera elektronikoari harpidetu