Ekinez egina: Les Petits Débrouillards
Egunero hamarnaka herritar edo egiturek biziarazten dute euskara. Horietako baten ezagutza eginen dugu: Les Petits Débrouillards. Haien helburua zientzia denontzat ulergarri egitea da, eta baita arlo zientifiko guztiak euskaraz lantzea ere. Txiki eta handiekin egiten dute lan.
2019ko Otsailaren 28a | ± 01 min 06 s
Aurkeztuko diguzu zure egitura?
Hezkuntza herrikoia egiten dugu, gure helburua zientzia eta teknika denentzat irisgarri egitea da. Esperimentazioaren bidez, ongi pasatuz denon artean ikasten dugu.
Zer egiten duzue euskaraz?
Gure tailerrak euskaraz eskaintzen ditugu. Haur eta gazteei zuzenduak diren animazioak proposatzen ditugu haien bizitzako momentu ezberdinetan: eskolan, aisialdi zentroetan eta baita gertakari handietan eta bestetan ere: Lurraman adibidez.
Zergatik da garrantzitsua zuretzat euskaraz egitea?
Euskal Herrian garelako eta geroz eta haur gehiagok ikasten dutelako euskaraz. Gainera, gure helburu soziala kultura zientifiko/teknikoa denei zabaltzea da, beraz hori betetzeko bakoitzaren hizkuntzan egitea da onena.
Azken hitz bat jendeari gomita luzatzeko?
Zientzia denon afera da. Denok gara kurios, denok gara zientifiko batzuk azken finean. Gure xedea denok elkarrekin ikastea da, modu ludiko batean.
