2019ko Martxoaren 5a | ± 01 min 21 s

Egun arrakastatsua

Guztira 125 haurrek eta 30 helduk parte hartu zuten ohitura bilakatu den hitzordu honetan. Lehenik, Biarritzeko AEKn errezibitu zituzten, ondotik Mediatekan eta azkenik Herriko Etxean. Momentu goxo bat izan zen parte hartzaile guztientzat.

Ez da ahantzi behar egun horrek aitzin prestaketa duela: 3. zikloko haurrek bertsolaritza kurtsoak jaso zituzten (6 orden Bertsolarien Lagunak elkartearen eskutik), eta denek kantu herrikoiak ikasi zituzten Arroka elkarteko kideei esker.

Biarritzeko Santa Agaterentzat kantu bat

Aurtengo Santa Agaterako, Arroka elkarteak Daniel Landart-i Biarritzerako kantu berezi bat idazteko eskatu zioten. Daniel Landartek desafioa onartu zuen eta Santa Agate Bezperan kantua idatzi zuen.

Haurrek eskoletan kantua ikasi zuten eta Santa Agate Txiki egunean, Mediatekan, Daniel Landarten bisita izan zuten: haurrak berak idatzitako kantua kantatzen entzun zituen. Gainera, idazlea omentzeko bertsoak ere prestatuak zituzten. Momentu hunkigarri eta goxoa izan zen denentzat.

Euskararen transmisioa martxan da

Tradizio hau transmitituz, euskara ere transmititzen da. Daniel Landart-en Santa Agate Bezperan kantuak dioen bezala:"€œEuskaraz, euskaraz, nahi dugu, bai, bizi euskaraz osoki!”.