2019ko Apirilaren 9a | ± 01 min 53 s

HAMEKA landa ingurunean sortua da, Euskal herrian, hautetsien eta lanean aritzeko leku baten bilan ari ziren lurraldeko talde artistiko batzuren arteko topaketaz. Eremu publikoari eta euskal antzerkiari lotuak diren egitasmoak sustatzen ditu.

Besteak beste, apirilaren 13an, larunbatarekin, bi antzerki antolatu ditu Sarako Lur Berri gelan:

LINBO PLANETA - Dejabu

17:00
Denentzat 6 urtetik goiti

Inork oroitzen ez duen leku bat. Ondarrez, zaborrez eta behin etxe izan zirenen hondakinez inguratutako leku urrun bat. Gerrak atzean utzitako hondamendia agian? Errefuxiatu kanpamentu abandonatu bat akaso? Edo nork daki, galaxia honetako beste planeta bat beharbada. Gizaki bakarra bizi da bertan, zortzi urteko neskatila bat: Numa. Erasoei bizirauten ere ikasi du. Aspaldian aspertzen hasia da ordea, faltan botatzen baititu lagunak, familia eta ia oroitzen ez duen bere herria. Goiz batean lagun berri bat azaldu zaio, Ibrahim txakurra. Elkarrekin eta irudimenari esker, inoiz susmatuko ez luketen bidaia batean murgilduko dira. Numak etxera itzultzeko bideari ekingo dio, bere arbasoek, desertuko nomadek, aspaldi egin zuten moduan. Izarrei jarraika.

ZAZPI SENIDEKO - Axut!

18:00
Denentzat 12 urtetik goiti

Anaitasunarena, txikitatik eraikitako labirintoa da, ihesbiderik gabekoa, lotura definitibo bat. Odolekoak ala biziak eskainitakoak, senideak norbanakoa osatzen du. Bainanola aritu anaia, ahizpa, neba edo arreba ebatsia izan zaigunean? Presondegiak, auto istripuak edo gaixotasunak bete ezinezko hutsunea sentiarazten duenean, nola dirau gurea dugun GU horrek bizirik? Bi aktore. Bi anaia. Eta zazpi istorio antzerkira ekarriak.

Informazio gehiago: 05 59 55 58 43 edo hameka@communaute-paysbasque.fr