Euskaraz bizi #topaketa #rencontre
Xilaba 2019 hasten da
Irailaren 20an abiatuko da Itsasun eta azaroaren 16an bukatuko da Izturitzen. Aurten ere, taldekako txapelketa izanen da.
2019ko Irailaren 6a | ± 01 min 16 s
Bertsularien Lagunak elkarteak aurtengo Xilaba bertsolari txapelketari buruzko xehetasunak eman ditu. Lehen hitzordua Itsasuko Goxoki gaztetxean da irailaren 20an, 20:00etan eta finala azaroaren 16an izanen da Izturitzeko herriko gelan.
Parte hartzaileak
Bertsolari berriek eta trebatuek bederatzi talde osatu dituzte. Guztira 34 bertsolari lehiatuko dira. Bertsotan aritzeaz gain, bertsolariek haien eskualdeko saioa antolatu beharko dute, beste saio batean gaiak prestatu beharko dituzte, eta azken batean epaile lanak egin beharko dituzte.
Formatu berriak
Bertso saioak formatu berriekin heldu dira aurten, batez ere bertso bazkari edo afariak eginen baitira.
Datak
- Irailak 20: Itsasuko Goxoki gaztetxean.
- Irailak 21: Hazparneko Bobôs Beer-en.
- Irailak 28: Izpegiko Irigoiena jatetxean eta Sarako trinketan.
- Urriak 5: Aldudeko Alfaro jatetxean eta Pausuko Xaia ostatuan.
- Urriak 11: Amenduzeko Eiheran.
- Urriak 12: Azkaineko Xoko Onan.
- Urriak 20: Urruñako Berttoli elkartean.
- Azaroak 1 (finalerdia): Baionako Zizpa gaztetxean.
- Azaroak 2 (finalerdia): Muskildiko Posonpesenea gelan.
- Azaroak 16 (finala): Izturitzeko herriko gelan.
