Sartzea da BABko euskaltegietan!

Laster abiatuko dira izen-emateak Baionako eta Miarritzeko gau eskoletan. Motibatu!

irudia ikusi | Urtero, 550 helduk baino gehiagok egiten dute euskara ikasteko hautua BAM eskualdean.

2020eko Irailaren 15a | ± 35 s

Euskalduna zara eta euskara hobetu nahi duzu? Mintzatzeko ez zara beti prest? Idatzia hobetu nahi zenuke?

Berdin da zein den hobetu nahi duzuna, AEKk lagunduko zaitu soluzioa atxematen.

Etorri gau eskolara! Diagnostikoa egin eta zuretako taldea atzemanen dizute.

Izen-emateak

Baionan (Marengo karrika 22) irailaren 14tik 25era, 9:00-19:00 artean. Horrez gain irailaren 25ean gurasoen bilkura eginen dute, guraso taldeak osatzeko, gau eskolan 19:00etan.

Miarritzen (Jules Ferry karrika 9)irailaren 21etik 25era 9:00-13:00 eta 15:00-19:00.

Euskaraz bizi

ONgi etorri ON!

Proiektu kolektibo berri bat sortu da Mintzalasai festibalaren 14. edizio garaian: on.eus plataforma. Eta data ez da kasualitatez hautatua izan.

Elkartea

Ondokoarekin partekatzeko hiztegitxo berria

Zure inguruan seguraski ikusi dituzu hainbat hiztegitxo desberdin: bestetan euskaraz aritzekoa, irainen, hitz kokinen edota ingeleskaden lexikoak, baita kutxa gorrietan biltzen den 7 familien bilduma ere... Azken urteetan hainbat hiztegitxo argitaratu dira. Aste honetan, eskuz esku pasatzeko hiztegitxo berri bat atera da.

Elkartea

EZEZTATUA Igandea, euskararen besta

Irailaren 21 huntan Marion lakuan egitekoa zen besta ezeztatua da eguraldia dela eta. Aurreikusiak ziren animazioen parte bat urte bukaera aitzin programatuko dugu euskaraz gozatzeko momentuak eskaintzen segitzeko.

Elkartea

Larunbata, deskubritzeak

Mintzalasai festibaleko egitaraua egunez egun: irailaren 20a, larunbata.

Elkartea

Ostirala, kultura eta eztabaida

Mintzalasai festibaleko egitaraua egunez egun: irailaren 19a, ostirala.

Elkartea

Osteguna, plazera har

Mintzalasai festibaleko egitaraua egunez egun: irailaren 18a, osteguna.

Elkartea

Asteazkena, haurren eguna

Mintzalasai festibaleko egitaraua, egunez egun: irailaren 17a, asteazkena.

Baliabideak

Portretak

Portretak | Ortzi Hegoas Maroteaux

Biarritzen euskaraz bizitzea helburua da, ez da ametsa

Begien urdin kolore berdina duen kasketa buruan eta irribarrea aurpegian agurtu gaitu Ortzi Hegoasek (1988 Baiona) Marion aintziraren inguruan. Xutik taldearekin musikan ari ez denean, agenda nola betetzen duen kontatu digu Biarritzeko musikariak. Publikoarekin, lagunekin, lankideekin zein familiarekin euskaraz naturaltasunez aritzea, ametsa baino helburua duela argi du bateria jole ezagunak.

Nahia Corrihons

Haurrekin gaztetxe ttiki bat sortzen dugu asteazkenero!

Nahia Corrihons-en (1999, Donostia) burasoek ez zuten asmatzen ahal, sei urteko alabaren izena ematean Uda Lekuetan, bertan bizitako esperientziak haren bizitzan hainbeste eragin izango zuenik. Gaur egun Biarritzeko Uda Lekun lan egiten duen emazte gazteak, bere irrifar kutsakorra eta bere energia plazaz plaza partekatzen du publikoa dantzan jarriz, aita gitarra jolea ondoan duela.

Ortzi Jauregi

Uste baino euskaldun gazte gehiago gira, kostaldean ere!

Baxoa sakelan, Baionako Etxepare lizeoa atzean utzi eta Angeluko ISA BTP ingenieritza eskolako erritmora egokitzen hasia da Ortzi Jauregi Biarriztar gaztea (2004, Baionan). Eskolan zein hirian, euskalduntasuna normaltasunez eta harrotasunez bizi nahi duen gazteriaz aritu gara Marion aintziraren bazterrean.

Portretak

Biarritzen, euskaraz eta xuka, baietz!

Biarritzeko Herriko Etxeko bulegoetan gelditu gara Viviane Ithursarry (1976, Baiona) euskara zerbitzuko lankidearekin. Mintzalasai festibalaren bilana bukatu berria, euskararen aldeko dinamikaz eta euskaldun izateaz Lapurdi kostaldean aritu gara "etxeko" pilotazalearekin.

Enrike Lopez

Bizitzak euskarara eraman nau beti

Iruñeatik Biarritzera, Beriainetik Marion aintzirara, Enrike Lopezek (1964, Paue) lagun artean arituz ikasi du lehenik herri hunen hizkuntza. Lapurdi kostara iristean, hitz egitetik euskara irakasteko eta besteekin partekatzeko erabakia hartu zuen. Geroztik, Biarritzeko gau eskolan, luzatuz doa Enrikerekin, herri hunen hizkuntza eta izaera deskubritzen duten ikasleen zerrenda.