2022ko Urtarrilaren 28a | ± 01 min 29 s

Eginbeharrak

• Garapen kargudunak herriak lagunduko ditu euskararen garapenean. Herri-politikei sustapenerako zerbitzuburuaren agindupean ariko da, eta zerbitzuko beste langileekin lan eginen du.
• Herritarrei eta herriei zuzendutako sentsibilizazio eta animazio proiektuak sortu eta gauzatu beharko ditu (herrien batzordea, Euskaraldia, Euskararen urtaroa, etab.)

Eskaturiko gaitasunak

• Euskaraz ongi menperatzea idatziz zein ahoz (hizkuntza maila aztertuko da elkarrizketaren denboran),
• Lurraldeko hizkuntza politika eta eragileak ezagutzea,
• Lurraldeko elkargoen erronkak, bilakaera eta arauzko esparrua ezagutzea;
• Aztertzeko eta laburbiltzeko gaitasuna, euskaraz eta frantsesez idazteko, mintzatzeko, harremanak sortzeko erraztasuna,
• Antolaketa, autonomia, ekimena, sorkuntza zentzua,
• Informatika tresnak arras ongi menperatzea eta bulegoko programak eta aplikazioak (kalkulu orrien programa, testu tratamenduk, mezularitza?)

Baldintzak

• Lurraldeko erredaktoreen enplegu esparrua
• Lanpostu iraunkorra, denbora partzialean (17h30 astean)
• Oren gehigarriak egiteko aukera, denbora osoaren mugan,
• Lanpostua funtzionarioei, konkurtsoa gainditu dutenei eta, beharrez, kontratupeko langileei irekia da, 1984ko urtarrilaren 26ko 84-53 zk. legearen 3-3-2 artikuluaren arabera,
• Lanpostuaren kokapena zehaztekoa,
• B gida baimena beharrezkoa.

Xehetasunak eta hautagaitzak

Hautagaitzak, bi hizkuntzetan, e-mezuz bidali behar dira:

Euskal Hirigune Elkargoko jaun lehendakariari, Giza baliabideen zuzendaritza, Enplegu eta Gaitasunen Kudeaketa Zerbitzua, helbide elektroniko honetara: recrutement@communaute-paysbasque.fr, ondoko erreferentzia zehaztuz: 10-2022-PLSP

Info +: 05 59 44 72 72 / Emploi-Territorial