mintzalasai

Elkartea

Euskara eta euskal kultura hobeki ulertzeko egutegi bat

Urte hasiera honetako berritasuna: Mintzalasai elkarteak"€œEGUN BAT - HITZ BAT" egutegia argitaratu du Plazara egiturarekin lankidetzan eta EEP eta EKEren sostenguarekin.

2023ko Urtarrilaren 1a | | ± 02 min 28 s

Egutegi horretan, erabiltzaileak 365 hitz eta kontzeptu atzemanen ditu, hizkuntza bat ikastea ez baita gramatika edo hiztegia barneratzean mugatzen. Orriz orri, euskararen munduetan barna bidaia bat eskaintzen du: hizkuntza, kultura, historia, geografia, pertsona/pertsonaia historikoa, soziolinguistika, erran zaharrak.

Euskara ikas(araz)teko aitzakia

Euskara dakienak ez du gauza handirik ikasiko proposatutako ibilbidean zehar. Erabil dezala beraz egutegi hau gomita eta esker onezko opari bezala."€œDenek badugu gure inguruan euskararen mundura hurbilarazi nahi dugun edo euskalduntzen ari den auzoa, senidea, lankidea, laguna..." zehaztu dute elkarteko kideek.

Eguberri aitzin, aitzin-salmenta sistema bati esker 500 egutegi salduak eta banatuak izan dira. Gaurtik goiti, egutegia eskuragarri izanen da 12€ren truke azpiko salmenta puntuetan.

Serie baten lehen harria

“Lehen bertsio hori, gure hizkuntza, herria eta kulturari buruz deus gutti dakitenei zuzendu nahi izan dugu. Bere xumetasun eta subjektibotasunean. Lehen ale bat da; datozen urteetan auzolanean aberasten ahalko litzatekeen bilduma baten lehen harritxoa.”

Egitasmo arduradunek haien eskerrak helarazi nahi izan dizkiete euskarri pedagogiko hori sortzen lagundu dituztenak: bolondres lanetan ibili diren idazleak, zuzentzaileak, banatzaileak eta materiala diruztatu duten instituzioak (EEP"€“ EKE) eta iragarki erosleak (Kalostrape, Euskal Moneta, Seaska, Uda Leku, Euskal Hedabideak).

12 urte sortu ondoren, Mintzalasai elkarteak segitzen du euskararen biziberritze prozesuan ekarpen konkretuak egiten, euskarari dedikatutako festibala, euskara kolokiala sustatzeko sakelako hiztegiak, besta antolatzaileentzako kita eta interneteko plataforma desberdinez gain.

SALMENTA PUNTUAK:

BAB:

  • Biarritz: Social bar"€“ Bar du Polo - Bookstore.
  • Angelu: Kokot nomade.
  • Baiona: Elkar"€“ Kalostrape"€“ Les Pyrénées"€“ Jakinola"€“ Eusko ikaskuntza - Euskal museoa.

Hego Lapurdi:

  • Getari: Guet pizza.
  • Donibane Lohizune: Battela"€“ Martxuka.
  • Hendaia: La grande illusion liburu denda.
  • Azkaine: Xoko ona.
  • Senpere: Leku ona.
  • Sara: Pleka trinketea - Ez kexa.

Errobi - Hazparneko lurraldea:

  • Kanbo: Fabrika denda.
  • Itsasu: Ona ta Bio.

Baxe Nafarroa:

  • Donibane Garazi - Izpura: Jokoxoki.
  • Donapaleu: Bixoko
  • Irisarri: Gure doia.
  • Aldude: Alfaro ostatua.
  • Larzabale: Espelletenia.
  • Ortzaize: Menta kafe-denda.

ONgi etorri ON!

Euskaraz bizi

ONgi etorri ON!

Proiektu kolektibo berri bat sortu da Mintzalasai festibalaren 14. edizio garaian: on.eus plataforma. Eta data ez da kasualitatez hautatua izan.

Ondokoarekin partekatzeko hiztegitxo berria

Elkartea

Ondokoarekin partekatzeko hiztegitxo berria

Zure inguruan seguraski ikusi dituzu hainbat hiztegitxo desberdin: bestetan euskaraz aritzekoa, irainen, hitz kokinen edota ingeleskaden lexikoak, baita kutxa gorrietan biltzen den 7 familien bilduma ere... Azken urteetan hainbat hiztegitxo argitaratu dira. Aste honetan, eskuz esku pasatzeko hiztegitxo berri bat atera da.

EZEZTATUA Igandea, euskararen besta

Elkartea

EZEZTATUA Igandea, euskararen besta

Irailaren 21 huntan Marion lakuan egitekoa zen besta ezeztatua da eguraldia dela eta. Aurreikusiak ziren animazioen parte bat urte bukaera aitzin programatuko dugu euskaraz gozatzeko momentuak eskaintzen segitzeko.

Biarritzen euskaraz bizitzea helburua da, ez da ametsa

Portretak | Ortzi Hegoas Maroteaux

Biarritzen euskaraz bizitzea helburua da, ez da ametsa

Begien urdin kolore berdina duen kasketa buruan eta irribarrea aurpegian agurtu gaitu Ortzi Hegoasek (1988 Baiona) Marion aintziraren inguruan. Xutik taldearekin musikan ari ez denean, agenda nola betetzen duen kontatu digu Biarritzeko musikariak. Publikoarekin, lagunekin, lankideekin zein familiarekin euskaraz naturaltasunez aritzea, ametsa baino helburua duela argi du bateria jole ezagunak.

Haurrekin gaztetxe ttiki bat sortzen dugu asteazkenero!

Nahia Corrihons

Haurrekin gaztetxe ttiki bat sortzen dugu asteazkenero!

Nahia Corrihons-en (1999, Donostia) burasoek ez zuten asmatzen ahal, sei urteko alabaren izena ematean Uda Lekuetan, bertan bizitako esperientziak haren bizitzan hainbeste eragin izango zuenik. Gaur egun Biarritzeko Uda Lekun lan egiten duen emazte gazteak, bere irrifar kutsakorra eta bere energia plazaz plaza partekatzen du publikoa dantzan jarriz, aita gitarra jolea ondoan duela.

Uste baino euskaldun gazte gehiago gira, kostaldean ere!

Ortzi Jauregi

Uste baino euskaldun gazte gehiago gira, kostaldean ere!

Baxoa sakelan, Baionako Etxepare lizeoa atzean utzi eta Angeluko ISA BTP ingenieritza eskolako erritmora egokitzen hasia da Ortzi Jauregi Biarriztar gaztea (2004, Baionan). Eskolan zein hirian, euskalduntasuna normaltasunez eta harrotasunez bizi nahi duen gazteriaz aritu gara Marion aintziraren bazterrean.

Biarritzen, euskaraz eta xuka, baietz!

Portretak

Biarritzen, euskaraz eta xuka, baietz!

Biarritzeko Herriko Etxeko bulegoetan gelditu gara Viviane Ithursarry (1976, Baiona) euskara zerbitzuko lankidearekin. Mintzalasai festibalaren bilana bukatu berria, euskararen aldeko dinamikaz eta euskaldun izateaz Lapurdi kostaldean aritu gara "etxeko" pilotazalearekin.

Bizitzak euskarara eraman nau beti

Enrike Lopez

Bizitzak euskarara eraman nau beti

Iruñeatik Biarritzera, Beriainetik Marion aintzirara, Enrike Lopezek (1964, Paue) lagun artean arituz ikasi du lehenik herri hunen hizkuntza. Lapurdi kostara iristean, hitz egitetik euskara irakasteko eta besteekin partekatzeko erabakia hartu zuen. Geroztik, Biarritzeko gau eskolan, luzatuz doa Enrikerekin, herri hunen hizkuntza eta izaera deskubritzen duten ikasleen zerrenda.