facebookinstagramyoutuberssrss

mintzalasai

Euskararen berriak #haurrekin

Edizio ahaztezina prestatzen ari gara

Aurten ere herri bazkaria izango da igandean
irudia ikusi | Aurten ere herri bazkaria izango da igandean

Mintzalasai-ren 8. edizioa 2019ko irailaren 23tik 29ra iraganen da, astelehenetik igandera. Argitan jarriko dira bereziki euskara urte osoan biziarazten duten eragileak.

2019ko Uztailaren 11a

Idazluma (edo smartphone-a) hartu eta egun horiek agendan idatzi! Bideo proiekzioak, hitzaldiak, ikuskizunak, ate-irekitzeak, bisita gidatuak, tailerrak, iniziazioak, bestak… Zazpi egunez, plazer handiz elkar kausitzeko eta euskara partekatzeko parada izanen dugu!

Aitzineko zazpi edizioetan gehien maitatu duzuena berriz bizitzen ahalko duzue. Leku harrigarrietan gertatuko diren edizio honetako sorpresa ederrak bizitzen ahalko dituzue ere. Eta argitalpen berriak eskuratzeko parada izanen da:

  • Sakelako hiztegien bilduma berria,
  • BABeko euskarazko aktibitateen gidaliburua,
  • "Besta euskaraz" kit-aren euskarriak,
  • eta hiztegi berria, polita… eta kokina!

Deialdi bikoitza

1) Ekarpenak egiteko deialdia: Egitaraua osatzeko baduzue euskarari loturiko ideia, iradokizun edo nahi erorik? Musika talde bat, txaranga bat edo antzerki konpainia bat ezagutzen duzue? Euskarazko tailer bat, nehoiz ikusi gabeko esperientzia bat edo performantzia bat proposatu nahi duzue?

Ez duda eta gurekin aipatu: https://mintzalasai.eus/nor_gira/harremana

2) Laguntzaileak lortzeko deialdia: Muntaketa, desmuntaketa, ostatuko lan txandak, apainketa, taloak, mahaiko zerbitzua… Ostiraletik igandera 150 laguntzaile behar ditugu. Beraz jin gure laguntzera. Giro goxoan ariko gara lanean. Eta euskara egoera errealean praktikatzeko parada da ere.

Bada lan denendako, belaunaldi guziendako eta gaitasun guziendako. Familian edo lagun artean motibatu eta izena eman: https://mintzalasai.eus/edition_2018/info_pratiques

Mintzalasai: uste baino gehiago girelako!
Email Facebook Google Twitter LinkedIn

© Jose Valderrey - Dantzan CC-BY-SA
© Jose Valderrey - Dantzan CC-BY-SA

Euskararen berriak #euskarazbizi

Kultura egituren arteko lankidetzaren erronken inguruko jarraikitze kolektiboa

2020eko Uztailaren 6a

Euskal kultur erakundeak, Pirinio-Atlantikoetako tokiko jarraipen dispositiboarekin partaidetzan, jarraikitze kolektibo berri bat proposatzen die bere elkarte-kideei. Gaia: kultura egituren arteko lankidetzaren erronkak. Jarraikitze hori urririk izanen da eta EKE-ko Uztaritzeko egoitzan iraganen da. Kasu! Leku kopurua mugatua da eta izen emate formularioa uztailaren 10a aitzin itzuli behar da.

IRAKURRI

AGENDA

AGENDA OSOA

Informa zaitez, berripapera elektronikoari harpidetu