2016ko Agorrilaren 16a | ± 01 min 50 s

Emendatzen ari den eskaeraren eta beharraren aitzinean, Euskararen Erakunde Publikoarekin eta Akitania Berria eskualdearekin elkarlanean, AEKk 6 hilabeteko formakuntza intentsiboa plantan ezarri du. Ikaslea B1 mailara heltzea da xedea, komunikatzeko gai izateko mailara hots.

Euskal Herriko harrera egitura gero eta gehiagok euskara-frantsesa elebidunean funtzionatzen dute.

Soldatadunei eta kalifikatutako enplegu galdegileei, gero eta galdeginagoa den euskara mintzatzeko gaitasuna eskuratzeko parada eskaintzen die formakuntza honek. Usaiako hizkuntza klaseak eta enpresan benetako egoeretan euskara erabiltzeko momentuak aldizkatzen ditu.

Formakuntza hau haurtzaroko, nerabezaroko, harrerako, animazio soziokulturaleko, aisialdietako eta etxeko laguntzako lanbideentzat egokia da.

Formakuntza amaieran, Bordeleko Montaigne Unibertsitateak, Euskararen Erakunde Publikoak eta Paue eta Aturri Herrietako Unibertsitateak antolatzen duten B1 mailako egiaztapen azterketak pasatzen ditu ikasleak. Egiaztagiri horren eskuratzeak hautagaiaren hizkuntza maila baiesten du.

Aukeran / ikusteko:

Ikasle berrien hartzeko moldeak:

Izen emate egunak: 2016ko irailaren 1etik 21era

Hautagaitza txostenean jaso beharreko dokumentuak:

-Curriculum vitae bat eta motibapen gutun bat (motibazioa, nahiak, lanbide-asmoak, ez ahantz helbide elektronikoa zehaztea).

-Ikaslearen argibide orria (AEKn eskuratzekoa), hizkuntza maila, ingurumen linguistikoa? zehaztuz

-Enplegu aholkulariaren preskripzio bat

"Aek"€“ Xilarreneako bidea"€“ 64250 Itsasu" helbidera igorriz, berantenik 2016ko irailaren 21ean aurkeztu beharko dira hautagaitza txostenak.

Irailaren 30ean, 09:30etan, Baionan, informazio bilkura bat iraganen da. Hautagaitza txosten bat aurkeztuko duten pertsona guztiak bilkura horretara gomitatuko ditu AEKk.

EDO

Xehetasun gehiagorentzat, 05 59 93 40 83 telefono zenbakira deitu edo xede@aek.eus helbide elektronikora idatzi eta AEKrekin harremanetan jarri.