2016ko Urriaren 5a | ± 54 s

Lehen hiztegi ttipiak Xiberoan agertu ziren, lehenik familiari buruzko hiztegi ttipiarekin eta berantago hondakinei buruzkoarekin. Ondotik, 14 hiztegitxo argitaratuz, Biarritzeko hiriak azkartu zuen bilduma.

Gaur egun, euskara teknikari-garatzaileen eta EEPren arteko lankidetzari esker, 16 hiztegi ttipi argitaratu dira 6 familiatan antolatu bilduma bateratu baten baitan. Familia bakoitzean hainbat gai landuak dira eta helburua da bilduma hiztegitxo berriez aberastea.

Euskarri ludiko eta didaktiko horiek, euskara baliatzeko tresnak dira:

- bizitzaren eremuetan euskara erabiltzen bultzatzeko;

- euskararen dimentsio moderno eta bizia adierazteko;

- euskararen kalitatea bermatzeko.

Euskarri guzi hauek www.euskara.biarritz.eus irakurtzen eta telekargatzen ahal dira, bai eta EEPren webgunean ere: www.mintzaira.fr

Xehetasun gehiagorentzat:

05.59.41.57.55. edo euskara[ABLIDU]biarritz.fr