2018ko Irailaren 6a | ± 01 min 25 s

Haurrekin

Bereziki aberatsa da haurrekin egiteko aktibitateen eskaintza:

Larunbatean, 10etan, zatozte zuen haurrekin Ohakoa haurtzaindegira (0-3 urte). Maialen Alfaro sofrologoarekin lasaitze musikala deskubrituko duzue.

Haur handiagoak dituzuenentzat ere, bada esperientzia berriak bizitzeko parada: 10:45etan Miarritzeko Milady hondartzan, surf iniziazioa izanen da, buraso eta haurrek elkarrekin ongi pasa dezaten.

Arratsaldean berriz, jarduera lasaiago bat: ipuin kondaketa bat Antsoteko ordokian, Baionan. Joseba Martin Ayalak hartzari buruzko istorioak azalduko dizkizue.

Helduak

Helduok, berriz, Baionako Euskal Museoan topatuko dugu elkar: Ternuara joan-etorria dokumentalaren proiekzioa izanen baita bertan, Eusko Ikaskuntza eta Eusko Diasporaren eskutik.

Caroline Richter-Boniniren dokumentalaren ondotik, 2017ko Indianoak abenturan parte hartu zutenen testigantzak entzunen ditugu.

Euskara ikasteko

Zure inguruko batek ez badu mailarik dokumentala ikustera joateko, igor ezazu Baionako Mediatekara. Bertan, B.A.Basque tailerra eskainiko da 10:45etan: euskarazko lehen urratsak.

Astea ongi bukatzeko

Igande arratsean, 21:00etan Martin Zalakain ikusgarria eskainiko da Gare du Midi. Bertara joateko santza dutenek 19. Mendeko pertsonaia mitiko horren abenturak ezagutuko dituzte, dantza eta antzerkiari esker. Zinez merezi duen obra.