Euskal antzerkia Iparraldean ibilki
Seigarren urtez segidan, "Ibilki" dispositiboaren bitartez, Euskal kultur erakundeak euskarazko antzerkiaren hedapena sustatuko du ipar Euskal Herrian. Programatutako hamar antzezlanen bidez, ikusleek euskal antzerkiaren kalitatea eta aniztasuna deskubritzeko parada izanen dute.
2019ko Martxoaren 4a | ± 02 min 24 s
Ibilki dipositiboaren seigarren edizioaren lehen emankizunarentzat, Axut! konpainia igoko da taula gainera Zazpi senideko antzezlana aurkeztera, martxoaren 3an, Hiriburuko La Perle gelan.
Martxotik aitzina, hamar bat konpainia arituko dira Iparraldeko toki ezberdinetan. Aurten, publiko gazteari zuzendu emanaldiak izanen dira, besteak beste, Ilargi arrantza antzezlana, 5 urtetik goitiko haurrentzat eta Behin bazen internet, 7 urtetik goitiko haurrentzak.
Euskal kultur erakundeak lekuko programatzaileen ekintzak koordinatzen ditu eta dispositiboaren komunikazioaz arduratzen da. Ibilki dispositiboaren karietara biltzen den sare aktiboa, euskarazko antzerkiaren alde engaiatzen da, Mauletik Hendaiara, Senperetik, Bastidatik, Hiriburutik, Donibane Lohizunetik, Bidartetik, Miarritzetik, Angelutik eta Baionatik pasatuz.
Egitaraua elkarrekin egiten da, bakoitzaren ahalak eta gaitasunak elkartuz, euskal antzerkiaren bizitasuna, ahalik eta publiko zabalenari ezagutarazteko asmoz.
Egitaraua
2019ko martxoaren 3a, 17:30, La Perle gela (Hiriburu): Zazpi Senideko, Axut!
2019ko martxoaren 24a, 16:30, Larreko gela (Senpere): Euskal musikaren benetako istorioa, Ez dok hiru
2019ko martxoaren 24a, 18:00, Miarritzeko Gaztetxea: Zazpi senideko, Axut!
2019ko apirilaren 10a, 15:30, Beheria antzokia (Bidarte): Ilargi arrantza, Banakike konpainia
2019ko apirilaren 17a, 20:30, Ravel entzutegia (Donibane Lohizune): Zazpi senideko, Axut!
2019ko apirilaren 19a, 20:30, Mendi Zolan gela (Hendaia): Anton Abbadia, Metrokoadroka"€“ Chimères"€“ Loraldia
2019ko maiatzaren 4a, 16:00, Bastida: Bidea, Jour de fête compagnie
2019ko maiatzaren 17a, Mai en scène festibala (Maule): Oxido, Pez Limbo
2019ko maiatzaren 18a, 16:30, Mai du théÀ¢tre festibala (Hendaia): Muxua, Ttanttaka Konpainia
2019ko urriaren 6 edo 13a, 16:00, Bidarte: Bidea, Jour de fête compagnie
2019ko urriaren 7a, 14:30, La Perle gela (Hiriburu): Behin bazen internet, 13R3P"€“ Itzuli konpainia
2019ko urriaren 15a, 20:30, Quintaou antzokia (Angelu): Zaldi Urdina, Artedrama - Debaju Panpin Laborategia - Axut!
2019ko abenduaren 13a, 20:30, Mendi Zolan gela (Hendaia): Zaldi urdina, Artedrama -Dejabu Panpin Laborategia - Axut!
2019ko azaro edo abendua, 20:30, Herriko antzokia (Baiona): Ghero, Tartean teatro.
Xehetasunak: Frank Suarez - Euskal kultur erakundea: 05 59 93 38 76
Iturria: https://www.eke.eus/eu
