Mintzalasai 3 abian da!
2014ko Irailaren 10a | MINTZALASAI | ± 01 min 56 s
Iraialren 10 huntan, 20elkartekide presten ziren Mintzalasa ekimenaren aurkezpena egiteko prentsa aitzinean.
Iraila sartzearen, festibal handien eta duela 3 urte euskararen hilabetea da Biarritzen. 22tik 28rat, 7 egun eta 7 gauez, 20 elkartek 70 aktibitate antolatuko dituzte, euskara praktikatu eta ikusgarri bilakatzeko.
Euskara praktikatzeko hitz orduak sortu eta gure hizkuntza hirian ikusgarri eta erakargarri bilakatzeko desafioarekin bildu ziren hainbat eragile, euskara herri batzordeko bilkura batetik landa. 3. edizio hori sorpresaz eta iniziatiba berritzailez josia etorriko da.
Berritasunez josia
Gertakariak dimentsio handiagoa hartuko du aurten, hitz ordu gehiago proposatuz, eragile gehiago batuz eta parte hartzaile gehiago gomitatuz. Baina zenbakiez haratago, berrikuntzak, iraupenak eta engaiamenduak dute aurtengo dinamika markatuko.
Berrikuntza, hasteko. Bi edizio antolatu eta, Mintzalasaik berritzen segitzen baitu euskara bere forma desberdinetan eta bereziki eremu berriak esploratuz praktikatzea proposatuko dugulako.
Iraupena, segitzeko. Urte osoan euskaraz bizi nahi dugu eta euskararen aldeko dinamika ez da aste batera mugatu behar. Aurten, Mintzalasai dinamiken abiapuntu izatea nahi dugu eta hala izango da.
Engaiamendua, bukatzeko. Antolaketa batozrdean biltzen diren elkarteek beren euskararen aldeko konpromisoa luzatuko eta urrunago eremanen dute aurten, euskararen normalizaziorako aktore bilakatuz.
Deneri irekia
Mintzalasai dinamika parte hartzaile eta kolektiboa da; herritik eta herriarentzat sortua. Elkarteen ausardia eta administrazioen ahalak uztartuz sortutako proiektua, euskararen erabilera ardatz.
Tailerrak, formazioak, ikusgarriak, Mintzaplaza, TELP, gogoetak, mintzaldiak, iniziazioak'… Landutako egitaraua publiko zabal eta anitz bati zuzendua da. Beraz ez duda, ez lotsa, euskaraz mintza'… eta haugi lasai Biarritzera!
