2015eko Urtarrilaren 19a | ATABAL | ± 01 min 31 s

Paxkal Irigoyen eta Larrazken Orkestra dudarik gabe 2014 urtean euskal eszenan entzun dugun proiekturik ederrenetarikoa da. Zezenaren Taldea edo Bilau taldearekin musika estilo ugari jotzen ditu. Oraingoan, Paxkalek proiektu pertsonalagoa eskaintzen du, post rock eta folk orkestralaren mugetan. " Larrazken Orkestra"-k oholtza gainean lagundurik, biolontxelo, biolin, gitarra elektriko, esku soinu eta ahotsak elkarturik, zuzeneko tirabiratsu eta hunkigarria ematen du. Brah Brah Kolektiboaren eta Atabalen deiari erantzunez, aretoan bi egunetako egonaldia egin eta gero, proiektua azken aldi batez aurkeztuko du.

BORROKAN: 1990ko hamarkadaren erdialdean sortu zen gaur egun boskotea den Borrokan taldea. Berako noise eszena oparotik jalgi den taldeak, 2002 urtean '"Borrokan '" izeneko lehenbiziko lan luzea argitaratu zuen. '"Hitzez ulertu ezin dena omendu nahi nuke. Oraintxe! '" bigarren diskoa, 2007 urteko irailean kaleratu zuten. Oraingoan '"Zuak '" izena duen lanarekin itzultzen dira. Brah Brah Kolektiboaren deiari erantzunez, ATABAL-eko oholtza gainean, disko berria aurkeztuko dute.

465 Iparraldeko talderik hoberenetarikoa da, baina baita gutxi ezaguturikoa ere. Taldearen izenak atxiloturik dauden euskal preso politikoen kopurua adierazten du. Etengabe aldatzen da ondorioz. Beren musikarekin ere berdina gertatzen da, post-rock goxo eta lasaietik noise goraldi eroetarainoko bilakaerak baititu.