Musika festibala baino gehiago
Asteburu huntan iragaiten da, Lekornen, EHZ festibalaren 21. edizioa iraganen da. Musika, eztabaidak, besta, animazioak, sorkuntza, topaketak eta euskara (besteak beste) uztartzen dituen herri dinamika.
2016ko Ekainaren 27a | ± 44 s
Euskal Herria Zuzenean festibalak haren 21. urtea ospatzen du aurten! 1996etik, 3 eguneko elkargune da festibala, gaur egun Lekornen iragaiten dena (Ipar Euskal Herrian - Baionatik 20 minutura). 12.000 pertsona elkartzen dira bertan. Alderdi anitzeko erakuslehio baten gisan defini genezake, ez baita soilik musikaren hedapenera mugatzen.
Musikaz gain, besteak beste karrikako artea, haurren xokoa eta konferentziak proposatzen ditu. Laburbilduz festibalak eta elkarteak berak ere, Euskal Herrian gure irudira eraiki nahi den jendartearen erakuslehio izateko helburua du. Eta erran gabe doa euskarak ere baduela bere tokia.
