2018ko Irailaren 13a | ± 01 min 03 s

Filmaren izenburua “Atarrabi eta Mikelats” izanen da, eta euskal mitologiako bi anai horien istorioa kontatuko du. Mariren semeak ziren baina deabruak hazi zituen.

Lau pertsonaia nagusiak ondokoak dira:

- Atarrabi, 18-25 urte bitarteko mutila

- Mikelats, 18-25 urte bitarteko mutila

- Udana, 18-25 urte bitarteko neska

- Aita nagusia, 45-60 urte bitarteko gizona

Hautagai guziek jakin beharko dute euskaraz, filma batuan eginen baita. Zineman edo antzerkian esperientzia izatea ere kontuan hartuko da.

Castingak hiru tokitan egingo dira:

- Irailaren 17a, astelehena: Euskal Kultur Erakundearen egoitzan, Uztaritzen, 11:00etatik 14:00tara eta 16:00etatik 19:00tara.

- Irailaren 18a, asteartea: Donibane-Lohizuneko Le Select zineman, 14:00etatik 17:00etara eta 18:00etatik 20:00etara.

- Irailaren 19a, asteazkena: Mauleko zerbitzuen etxean, 11:00etatik 14:00tara eta 17:00etatik 21:00etara.

Zuen burua aurkezteko, idatz ezazue audreyhoc@gmail.com helbidera.