2018ko Urriaren 16a | ± 01 min 01 s

1918. urtean sortu zenetik guztira 17 kongresu egin ditu Eusko Ikaskuntzak, bi helburu nagusirekin: batetik, ikerkuntza eta kultura sustatzea, eta, bestetik, Euskal Herriaren erronken eta beharren inguruko prospekzioa egitea.

Aurtengo kongresua Geroa Elkar-Ekin lemapean, Mendeurreneko ekitaldien amaiera izango da. Programa bost saioetan egituratuko da eta saio bakoitza euskal hiriburu batean ospatuko da.

Hau da egutegia:

• Irekiera: Nahi dugun gizartea, izango dugun gizartea. Baiona, urriaren 5ean

• e5: Euskararen Etorkizuneko Eszenarioak Elkarrekin Eraikitzen. Gasteiz, urriaren 19an

• Gizartea: Aniztasuna eta kohesioa. Iruñea, urriaren 26an

• Garapen sozio-ekonomikoa. Bilbo, azaroaren 9an

• Gobernantza Demokratikoa. Donostia, azaroaren 16an

• Itxiera: Geroa Elkar-Ekin. Oñati, azaroaren 23an

Egun osoko saioak dira eta bakoitzean hamarnaka hizlari entzuteko parada izanen da, euskararekiko begirada ezberdinak.

Xehetasunak: http://www.eusko-ikaskuntza.org/eu/kongresua/aurkezpena/eik-51/