2018ko Azaroaren 28a | ± 02 min 23 s

Txapa soinean duzu joan den ostiraletik baina batzuetan bakarrik sentitu zira? Euskaraz ari zira gelditu gabe eta zure esperientzia besteekin partekatu nahi duzu? Euskaraz ongi pasatzeko gogoa duzu?

Horra asteburu hontako BAM eremuko ekimenen agenda:

Ikusgarriak eta kontzertuak: euskarazko kalitatezko eskaintza

- Behin bazen Internet: Internet hobeki ulertzeko ikusgarria: ipuin konektatuak, antzerkia eta teknologia berriak haur eta helduentzat (9 urtetik aitzina). Azaroaren 30a, ostirala, 20:00etan Chimères Antzokian. 9 euro.

- Erabatera / Nerabe: Le Magneto gelan, Baionan, bi euskal talde.

Nerabe taldea 2016an sortu zuten Borja Iriarte (Adrenalized), Ruben Ramos (Cohen, Reuben RG), Xabier Arratibel (Hyedra, PetFennec), Iñigo Ozaeta (Blaka, Pelax) eta Sara Zozayak. Pop doinu modernoak, 80. Hamarkadako printza batzuekin.

Erabatera"€œkasualitatez" sortu zen: Gaizka Salazarrek kantuak bere aldetik sortu zituen, eta estudioan grabatzeko momentuan, bere lagun musikariei egin zien dei: Mikel Caballero, Beñat Serna (Ken Zazpi) eta Jurgi Ekiza (Willis Drummond). Elkartze horren emaitza azaroaren 30ean, ostirala, 21:30ean ikusiko dugu.

- Izarren hautsa: Mikel Laboa zenari omenaldi goxo bat eginen zaio ikusgarri honen bidez bere heriotzaren 10. urteurrenean. Maialen Alfaro eta Philippe Albor artistek bere kantuak, bizia eta unibertsoa erakutsiko dizkigute. Euskal Museoan, abenduaren 1ean, larunbata, 18:00etan.

Euskaraz aritzeko momentuak

- Larunbata:

10:00 Baionako Merkatuan euskaraz: Goizean goizik txapa soinean atera zaitezte merkatura, ahobizi eta belarriprest anitz topatuko dituzue bertan.

14:00 Zirko tailerra familian, Oreka Zirko Eskolan: familian momentu goxo bat pasatzeko parada, euskaraz.

14:00 Olinpiadak, Baionako Montaut plazan (euria baldin bada, Etxeparen): jokoetan aritu ondotik, autobusa antolatua da Miarritzeko poteora joateko.

19:30 Poteo Miarritzen Euskaraz, Clemenceau plazan: Miarritzeko ostatuetan ahobizi eta belarriprestak elkartuko dira.

- Igandea:

Euskaraldiko azken aurreko egunean bi ekimen:

Hilabetero bezala, Kantalasai hitzordua Miarritzeko Kasinoko zelaigunean, goizeko 10:00etan eta ondotik, 11:00etan eta 15:00 bi bisita gidatu antolatuak dira euskaraz Baionako Euskal Museoan (2,5€ pertsonaka, urririk 18 urte arte).