2019ko Otsailaren 8a | ± 01 min 54 s

Etxean?

1. Erabili hizkuntza jolasteko eta jolasa hizkuntza barneratzeko: aho korapiloak, jostailuak, onomatopeiak, haurren hizkera? Dena izan daiteke jolas, gozatu!

2. Baliatu euskarazko kantuak etxeko edozein egoera besta bihurtzeko. Estresaren kontra, seme-alabekin dantza egin eta ozenki abestu! ERAn abesti zerrenda asko topatuko dituzu adinka sailkatuta; etxeko kontuetarako, jolasteko, urtebetetze eta sehaska kantuak?

3. Hautatu marrazki bizidunak euskaraz. Telebistaren aurrean pasatutako orduak hizkuntza aberasteko denbora izanen da. Ikus: https://mintzalasai.eus/berriak/euskararen_berriak/3140-marrazki-bizidunek-euskaraz-haurrek-ere-bai

4. Haurrak lotara doazen unea magikoa izan daiteke. Zabaldu irudimenaren atea ipuinekin edo lotarako kantuek gordetzen duten poesiarekin. Handitzen direnean hurbildu komikien mundura, irakurzaletasunerako zubia izan daitezke.

5. Izan eredu zure seme-alabentzat eguneroko errutinetan eta euskararekiko interesa eta maitasuna adierazi?

Etxetik kanpo?

6. Hautatu euskarazko eskaintza aisialdiko jardueretan. Haurrek eskolaz kanpoko jarduera askotan parte hartzen dute: kirola, musika, dantza, eskulanak, antzerkia? Aisialdia tresna hobezina da eskolan eskuratutako gaitasun linguistikoak garatzeko eta, bide batez, modu informalagoak bereganatzeko.

7. Ezagutu euskarazko kultur eskaintza zabala, zure seme-alabentzat nahi adina aukera duzu-eta: antzerkia, zinema, musikalak, ipuin-kontaketak, zirkua, magia? BABko eskaintza hemen ikus dezakezu: https://mintzalasai.eus/berriak/agenda

8. Erabili euskara zure inguruko beste familiekin eta Mintzapraktika ekimenetan edo Mintzalasai festibalean parte-hartzera animatu.

9. Udan ez eman oporrik euskarari. Uda Lekuren bilguneetan edo egonaldietan haurrek lagun berriak egiten dituzte eta, oharkabean, hizkuntza ohiturak sortu eta finkatzen dituzte. Ikus: https://udaleku.eus/eu

Eta har daitekeen erabakirik garrantzitsuenetakoa:

10. Euskarazko erakaskuntzan izena eman.

Iturria: https://eranafarroa.eus/dekalogoa-10-aholku-euskaraz-hazteko/