2019ko Maiatzaren 10a | ± 01 min 44 s

Lehen haurtzaroko harrera lekuak, helduendako ikasketa lekuak, eskolatzea, aisialdiak, zerbitzuak, bestak, baliabideak? Aurkitegi soil bat baino gehiago, euskarri honek euskaldunei, euskaldun berriei eta burasoei argibide zehatzak emanen dizkie eta eragileen urratsen balioa agerian emanen du.

Zuen burua ezagutarazi

Euskararen aldeko eragileak aldi bateko eskaintza edo eskaintza erregularra garatzen duten elkarteak, erakunde pribatuak edo publikoak dira. Euskaraz aktibitate edo zerbitzu bat proposatzen badute, beren burua ezagutarazi behar dute. Horretarako, https://labur.eus/QyieO helbidean (edo 3 hirien webguneetan), galdetegi bat ezarri da haien esku.

20 galderek osatzen dute galdetegia. Gidaliburua eta lineako aurkitegia osatzen lagunduko du. Galdetegia 2019ko maiatzaren 14a aitzin osatu behar da. Argazki bat eta logotipo bat igorri behar dira helbide honetara: euskara@biarritz.fr.

Euskara etorkizuneko aukera!

Ekimen hau martxoan abiatu "' Osez l'euskara"€“ Etorkizuneko aukera' " kanpainaren segidaren parte da. Euskaraz eskolatu haurren kopurua eta arratseko ikastaldietan izena ematen duten helduen kopurua urtero emendatzen dira. Baina, hizkuntzaren jabekuntza klasean eta klasetik kanpo egiten da. Hiztunek eta euskaldun berriek euskara egunerokoan entzun eta hitz egin behar dute.

Badu zenbait urte hizkuntzaren birjabetze prozesu bat abiatu dela. BABen euskara errealitate bat da: ama eskolatik lizeora 2 460 ikasle, arratseko ikastaldietan 550 heldu eta orotara 15 800 hiztun.

Gidaliburu honek handituz doan eskaera sozialaren eta apurka egituratzen ari den aktibitate eskaintzaren arteko zubi lana egin nahi du.