2019ko Urriaren 15a | ± 59 s

Hiztun berrien hizkuntza identitatea eta hizkuntza erabilera ikerlerro emankorra bilakatu da hizkuntza gutxituen esparruan. Bestelako hizkuntzen kasuan bezala gurean ere, ikerketek erakutsi dute hiztun berrien hizkuntza erabilera loturik dagoela nolabait, hiztun gisa nork bere burua legitimo sentitzearekin edo eta besteengandik hiztun legitimo gisa hartua izatearekin.

Hiztun berriak eta bertso-mundua. Legitimatu a(ha)la auzitan jarri? izeneko mintzaldi honetan, Miren Artetxek bertsotan trebatzeak eta bertso-munduan sozializatzeak hiztun berrien legitimazio prozesuan izan dezakeen eragina aztertuko du, alde batetik. Eta bestetik, bertsolariaren irudi kanonikoa legitimazio prozesu horretan muga ere izan daitekeela argudiatuko du.

• Data: Urriaren 24a, osteguna
• Ordua: 18:00
• Tokia: Baionako Euskal Museoa"€“ Argitu gela
• Mintzaldia euskaraz, bat-bateko itzulpena frantsesez.
• Euskal etnopoloaren labelaren karietara antolatu mintegiaren baitan.

Iturria: https://www.eke.eus/