2022ko Maiatzaren 11a | | ± 01 min 38 s

Ziburun eskainiko dute Artedrama konpainiaren 'Atzerrian lurra garratz' antzerkia. Hitzordua maiatzaren 13an, erabilera anitzeko gelan, 20:00etan.

• Prezio betea: 10€
• 18 urtez pekoak: 5€
• Urririk: 12 urtez pekoak, langabeak, gutieneko laguntza sozialen hartzaileak, ikasleak eta ikuskizunetako intermitenteak

Erreserbatu: https://bit.ly/35huEAB

Aurkezpena

2021. urte hastapenean, Artedrama konpainiak sorkuntza berria aurkeztu zuen,"€œAtzerrian Lurra Garratz”, Amancay Gaztañagak taularaturik, non Ander Lipusek ematen dion ihardespena Laura Penagos aktore kolonbiarrari.

Gaurko migrazio-larrialdi humanitarioen oihartzuna izaten den sentimenduzko komedia politiko honetan, nortasuna eta erbestea dira aipu. Erran zaharrak dioen bezala:"€œAtzerrian lurra garratz, hoña ibini egik baratz”.

Aurora Mora pertsonaia nagusiak bere muntaketa artistikoari azken hunkiak ematen dizkiolarik, bere bizia betiko aldatuko duen deia jasotzen du. Bere familiako amen bitartez, Aurorak bere zuhaitz genealogikoaren bihotzean bidaiatuko du, bere herriko erroen inposatutako ezabaketatik atzerritar egoera berria onartzera testuinguru berri batean, Euskal Herrian.

"€œAtzerritartzat naukazue. Baina nire erroak hemen landatzeko hautua egiten dut”, dio pertsonaiak.

Antzezlan honetan,"€œKolonbiako gatazka armatuaren bortizkeria, kolonialismoa, jatorrien garrantzia dira aipagai”, dio Ander Lipusek, konpainiaren zuzendaria eta bigarren pertsonaia nagusia, Zaldi Urdina antzezlanaren arrakastaren ondotik taulen gainera berriz igaten dela eta."€œNoski, hizkuntzaren tokian datza lan artistikoaren funtsa eta, ildo beretik, euskarak lotura azkar bat sortzen du joatea eta etorreraren artean.”