Lan eskaintzak #laneskaintza #offredemploi
Lan eskaintza Alda elkartean
Geroz eta presentzia handiagoa du euskarak, lan munduan. Aldak eskubideen sustengu gunearentzat koordinatzaile bat xerkatzen du. Euskaraz lan egin nahi duzu? Animatu!
2023ko Uztailaren 4a | ± 02 min 17 s
Aldak eskubideen sustengu gunearentzat koordinatzaile bat bilatzen du, injustizia kasuen jarraipena gidatzeko, talde horren garapena eta jarduera boluntarioakkudeatzeko, eta ekintza kolektiboen alderako laguntza koordinatzeko.
Eginbeharrak
Ko-koordinatzaileak boluntarioz osatu batzorde batean eginen du lan, jadaneko hor diren bi koordinatzaileekin elkarlan hertsian eta soldatapeko lantaldearekin koordinatuz, eta ondoko misioen ardura ukanen du:
1..Aldak jasotzen dituen norbanakoen eskaeren jarraipena kudeatu:
- Norbanakoen kasuen jarraipena egin batzordearen jardueran parte hartzeko, eta Aldak topatzen dituen eskaera mota ezberdinak ulertu
- Norbanakoen eskaera horien harrera ongi kudeatua dela segurtatu (telefonoz, posta elektronikoz, sare sozialen bidez)
- Jasotako kasuak ahalik eta hobekien kudeatzea ahalbidetzen duten tresnen funtzionamendu ona segurtatu eta tresna berriak garatu (jarraipena, artxibatzea)
- Kide boluntarioen eta batzordeko permanenteen arteko lan banaketa antolatu
2..Aldaren Eskubideen Sustengu Gunearen egituraketan eta garapenean parte hartu:
- Hego Lapurdin permanentzia berri bat ireki (Hendaia"€“ Urruña"€“ Donibane Lohitzune)
- Aldaren auzoguneetako kolektiboek antolaturiko permanentziak lagundu
- Lantaldearen sustapenean parte hartu (gai zerrendak, bilkura agiri edo aktak, estrategia)
- Boluntario berriak erakarri eta haien gaitasunen hobekuntza segurtatu
- Aldaren lantalde juridikoaren garapenean parte hartu
3..Norbanakoekiko injustiziak borroka kolektibo bilakatzen lagundu:
- Norbanakoen aurkako injustizia enblematikoen inguruko mobilizazio sorten antolaketan parte hartu: jardunaldiak, mobilizazioak, elkarretaratzeak, ekintza mediatikoak, komunikazioa
- Ber injustizia pairatzen duten pertsonez osatu taldeen garapena bultzatu (arduren hartzean lagundu, eta konponbide kolektiboen atzematea ahalbidetuko duten kanpainen prestaketan eskukaldi bat eman).
Eskaturiko gaitasunak
Ondoko arlo batean edo hainbatetan esperientzia ukaitea:
- Gizarte laguntza
- Etxebizitza eskubidea
- Laguntza juridikoa
- Egitasmo kudeaketa
- Talde sustapena
- Elkarte bizitza
- Harremanetarako gaitasun ona
- Azterketak eta sintesiak egiteko gaitasuna
- Idazketarako gaitasun ona
- Pertsona zorrotza eta autonomoa
- Frantsesaz gain euskararen menperatzea (idatziz, ahoz) balioetsiko da
Baldintzak
- 12 hilabeteko kontratu mugatua, 35 oren asteko.
- Lansaria: lanbide-arteko gutieneko soldata (SMIC).
- Lanpostua irail erditsuan hasiko litzateke, hautagaiarekin adostekoa
Xehetasunak eta hautagaitzak
Hautagaitzak info@alda.eus helbidera igorri uztailaren 19ko asteazkena aitzin.
