mintzalasai

Elkartea

Ideiak 2023 deialdia irabazi dugu !

Mintzalasai elkartea "Ideiak" aurrekontu parte hartzailearen irabazleen artean da. Pirinio Atlantikoetako Departamendu Kontseiluak eta Gipuzkoako Foru Aldundiak eramana, dispositibo horrek bi lurralde horietako biztanleak hurbiltzea du helburu.

2023ko Azaroaren 6a | | ± 01min 35s

Mintzalasai eta Eusko Ikaskuntza elkarteek beren jakitateak batzen dituzte, hizkuntza bitartekotza dispositiboak sortzeko eta zabaltzeko. Eleaniztasuna ezaugarri duen lurralde batean, euskara partekatuz, euskara biziberritzeko lan ludikoa egiten segituko dugu.

Hizkuntzen aldi!

Zehazki, zer egingo dugu aurrekontu horrekin?

Lurralde horietako biztanleendako dohainik, 3 tresna ezarriko ditugu hizkuntzen deskubritzeko:

1) Sakelako lexiko berriak eta berrituak.

2) Eguneroko gaiak biltzen dituzten irudigile ludo-pedagogikoak.

3) Euskara deskubritzeko tailer ludikoak.

Hurrengo hilabeteetan, beraz, espero ezazue ostatuetako erakusmahai edo liburutegietako apalategietan gai ez oso konbentzionalei buruzko lexiko berriak ikustea. Ideiaz beteta gaude.

Sarean ere eskuragarri izanen dira, osoki birdefinitua izanen den paisaia digital batean. Izan ere, konfinamendu garaian webguneak eta sare sozialek dimentsio garrantzitsua hartu zuten gure aktibitatean, eta haien audientzia biziki zabala da geroztik. Orduan konturatu ginen benetako premia bati erantzuten ziotela.

Tresna berri bat eraikitzen

Euskararen inguruan lan egiten duten beste eragile batzuekin batera, informazio eta sentsibilizazio estrategia berri baten definitzeko lanean ari gara. Publiko berriengana heltzeko aukera emanen digu, marka komun bat elkarbanatuz eta partekatuz.

Hurrengo asteetan gehiago esango dizugu. Bitartean, milesker gure alde bozkatu dutenei. Milesker ere Gipuzkoako foru aldundia eta Pirinio Atlantikoetako departamendua.

Info+: https://www.gipuzkoa64.eu/eu/ideiak/detalle/-/visualizarProcesosIdeiak/detail/viewResults/3


hari@
2024ari begira

Elkartea

2024ari begira

Mintzalasai elkarteak, bere biltzar nagusia burutu zuen urtarrilaren 5ean. Hasi berri den urteari begira eman dira bere kideak.

2024ean, webgunea itzaliko dugu!

Elkartea

2024ean, webgunea itzaliko dugu!

Aurtengo berrikuntza: 10 urte baino gehiagoko jardueraren ondoren, Mintzalasai guneak anbizio handiagoko proiektu bati lekua utziko dio. Eduki gehienak plataforma egokiago batera eramanen dira.