2024ko Agorrilaren 23a | | ± 02 min 31 s

Baina azken datuek erakusten digute alor eta eremu desberdinetan eragin behar dugula: transmisioan eta erabileran, hirietan eta baserri munduan, erakartzean eta aktibazioan, zonalde erdaldunetan eta arnasguneetan, haurrekin eta helduekin, eskubideen defentsan eta hizkuntza bitartekaritzan? Bizi dugun testuinguru konplexuak gure begiarada zabaltzea eta jokamoldeak berritzera ekarri behar gaituzte.

Parentesietatik oasietara

Duela 13 urte Mintzalasai sortu ginuen auzolanetik eta ekintzatik, euskararen biziberritze prozesua konkretuki elikatzeko.

Urtero festibalarekin parentesia linguistiko ederrak zabaltzen ditugu, euskaraz mintzatzeko ohitura ez duten pertsonak elkarren artean bilduz, euskaldunen autoestimuan eraginez eta urtean zehar frantses hutsean bizi diren tokietara euskara ekarriz. Baina magikoak badira ere, zabaldu bezala itxi ohi dira parentesiak.

Mundu hobea eraiki

Lortu nahi badugu 2050ean Ipar Euskal Herriko biztanleriaren herena euskaraz lasai eta goxo bizitzea, transmisio kanalak zabaldu, euskaraz bizitzeko espazio iraunkorrak biziarazi eta plangintza partekatu ausartak beharrezkoak izango ditugu. Eredu berriak asmatu beharko ditugu elkarrekin, terrenoko eragile eta instituzio publiko; denentzat euskara norma eta inklusiorako giltza izango diren une eta gune desiragarriak.

Sentitzen ditugu jendartean hedatzen ari diren pentsamendu autoritario eta xenofoboak; entzuten ditugu"€˜kanpokoa' estigmatizatzen eta"€˜iragana' idealizatzen duten diskurtsoak egunero gure lantokietan, auzoetan, familia bazkarietan, hedabideetan? Guk argi eta ozen diogu ez girela etorkizunaz beldur."€œEz dok hamairu”, fatalitaterik ez da! Ez gira iragarpenek diotenarekin konformatzen, baitakigu auzolanean ingurumena eta geroa aldatzeko gai girela. Bataila horretan ez gira indartsuenak, baina irabaziko dugu gure borroka ederra delako. Euskal Herri eta Mundu anitzago, libreago, parekideago, justuago eta jasangarriagoa da jokoan!

Aurten ere, Mintzalasai festibala gomita batekin heldu da: gure hitz txikiek eragin handiak izan ditzakete okindegira sartzean, autobusera igotzean, administrazioko harlekuan, haur parkean, ezezagunekin harremantzerakoan? Aska ditzagun korapiloak eta has gaitezen euskara beti eta denekin partekatzen. Irailaren 13tik 22ra, familian edo lagun artean, euskaraz gozatzeko egitaraua eder eta idekia antolatu dizuegu aurten ere. Elkartzeko eta euskaraz gozatzeko aukerak ez dira faltako. Mintza!

Info+: https://mintzalasai.eus/eu/ekimenak/festibala/presentation