2020eko Irailaren 16a | ± 02 min 55 s

1. Bururaino joan gira. Duela zenbait hilabete hasi ginen Mintzalasai festibalaren 9. edizioa prestatzen. Joan den uztailean, elkarteko kideek erabaki zuten aitzinatzen segitzea, osasun testuingurua aldakorra bazen ere. Geroztik, komisioetako laguntzaileek programa eder bat diseinatu dute.

2. Ez genuen horretara iritsi nahi. Iraila erdian, ebidentziara jo behar izan dugu: 2012. urteaz geroztik, euskara plazerarekin partekatzeko promesa betetzeko konpromisoa hartu dugu. Zoritxarrez, egungo klimak ez digu uzten euskaraz lasai mintzatzeko edo hizkuntza ezagutzeko hitzordu goxoak antolatzen.

3. Egitarau murriztua. Horregatik, erabaki dugu aurreikusitako 49 hitzorduetatik 24 bakarrik proposatzea. Tailerrak, ikusgarriak, bisitak, ipuinak, hitzaldiak, proiekzioak? Denentzat pentsatuak izan dira, adin eta euskara maila desberdinetako herritarrentzat. Gainera, asteko egun bakoitzak bere berezitasuna izanen du.

4. Hiztegi berria. Aurtengo berritasunetako bat"€œHitz larrien, irainen eta kitziken" hiztegia da; lan kolektibo baten fruitua. Gainera, metodologia bat ere proposatzen du bakoitzak bere irain hoberenak sortzeko.

5. Badakigu nor eskertu? Mintzalasai biziarazten duten laguntzaileak, lurraldeko elkarteetako militanteak, bakoitza bere arloan lanean ari direnak. Milesker gure partaideei eta instituzioei: lehen urtetik laguntzen gaituen EKE, gure lana hedatzen ahalbidetzen duten EEP eta Elkargoa, eta batez ere diru, baliabide eta logistika mailan laguntzen gaituzten Baionako eta Miarritzeko herriko etxeak.

6.?eta nor eskas den oraindik. Nahiz eta gure lurraldean euskararen aldeko kontsentsu sozial azkar bat eraikitzen ari den, iruditzen zaigu hiri batzuk ez direla aski engaiatzen. Hizkuntza politika publikoa ezin da elkarteen laguntzara soilik mugatu, eta beste guzia Elkargoaren esku utzi. Hirien errola ere biziki garrantzitsua da. Eta Mintzalasaik ezingo du BAM eskualde osoan segitu, hirietako batek ez badu nahikeriarik.

7. Segi dezagun aitzina. Konfinamenduak erakutsi digu zenbateraino diren hauskorrak euskarari eskainitako espazioak: haurrentzat, euskara eskolan giltzapetuegi dago oraindik. Euskaldungaientzat, euskara konplexurik gabe praktikatzeko aukerak sobera eskasak dira oraindik. Euskaldunentzat, euskaraz bizitzeko eskubidea gehiegi ukatzen da. Lanean segitu nahi dugu gure hiru gertakariak BAM mailan antolatzeko eta hiru tresnak Euskal Herrian (eta haratago) hedatzeko.

8. Bateratzeko beharra. Lan bat hasi dugu instituzioekin, Mintzalasairentzat eredu ekonomiko iraunkor bat osatzeko eta urrats bat urrunago joateko.

9. 10 urteak ospatuko ditugu! 2021ean, Mintzalasaik 10 urte beteko ditu. Jadanik hasiak gira prestaketan: festibala udako azken egunean hasiko da eta Hizkuntzen Europako Egunarekin bukatuko (2021eko irailaren 20tik 26ra). Ausardia, berrikuntza eta kolektiboa ardatz izanen dituen astea.

Egitaraua osoa: hemen.