2025eko Azaroaren 26a | | ± 01 min 40 s

Euskararen Nazioarteko Egunaren karietara, eta Mintzalasaiko iganderako aurreikusia zen besta ezeztatu ondotik, Mintzalasaik eta Miarritzeko Hiriak erabaki dute egun eder bat antolatzea, euskarazko animazioekin familia osoarentzat.

Helburua horretan datza:

Momentu goxo, kultural eta alaia eskaintzea, ttipiek zein handiek elgarrekin euskaraz gozatu, entzun, jokatu eta bizitzeko parada izan dezaten.

Hitzordua abenduaren 3an, asteazkenez, Atabalen emana da, 16:00etatik aitzina, adin guzietarako pentsatu den programa aberatsarekin.

Egitaraua

16:00 - "Plisti Plasta" ikusgarria - Alabena Konpainia

3 eta 7 urte arteko haurrentzat bereziki sortua den ikusgarri poetiko, bisual eta jolaskor bat.

Ttiki-ttikienen jakin-mina eta irudimena piztuko dituen proposamen goxo eta irudimentsua.

⚠️ Adi: 60 pertsonara mugatua

16:45 - Krakada dantzaldia familientzat

Kiki, Jose eta Sebasek animaturik, saio biziki dinamiko honek guraso eta haurrak gonbidatuko ditu altxatzera, mugitzera eta elgarrekin dantzatzera, giro alaian eta parte-hartzailean.

Euskaraz une sinple eta bizia partekatzeko parada ederra.

17:30 - Haurrock kontzertua

Arratsaldea musikan bukatzeko, haur, nerabe... eta handientzat pentsatua den rock kontzertu energetiko eta mugitzailea!

Eguna indarrez eta musikaz, euskaraz, finitzeko aukera ezinhobea.

Momentu bat partekatzeko

Proposamen honen bidez, Mintzalasaik eta Miarritzeko Hiriak euskarari bizia emaiten segitu nahi dute, gorabehera guzien gainetik, oroitaraziz hizkuntza irriz, jostatuz, musikaz eta familia giroan bizitutako uneetaz transmititzen dela ere.

Zatozte kopuru handian, euskara ospatzera eta Atabalen egun bero eta alaia partekatzera!