Euskara Zerbitzu egituratu bat sortzen da Biarritzen.
2015eko Uztailaren 24a | EEP-BIARRITZ | ± 03 min 07 s
2015eko uztailaren 24 honetan, François Maitia Euskararen Erakunde Publikoko lehendakariak eta Michel Veunac Biarritzeko auzapez jaunak lankidetza hitzarmen bat izenpetu dute euskarari dagokion Hiri-zerbitzu egituratu baten sortzeko. Gertakari honetan, hizkuntza eta euskal kulturaren kontseilari ordezkaria den Maialen Etcheverry eta hizkuntza politikaren Gidaritza Batzordeko kide diren hautetsiak ere present ziren, gehiengoaren aniztasunaren ordezkari gisa.
Auzapez jaunaren nahikeriatik abiatuta eta elkarte sarearen sustenguarekin, lehen aldia da lurralde honetan euskararen bizigarritasunaren aldeko ekintzak hainbesteko indarra hartzen duela.
1992an herriko etxeak abiatu zuen ekintzaren jarraipenean oinarritzen da bestalde, 15 urte berantago Euskararen Erakunde Publikoarekin izenpetu lankidetza hitzarmenarekin egituratzeko.
Hizkuntz zahar eta gaurkotu baten aldeko engaiamendu azkarra
Nortasun kulturalaren oinarri, guzien ondarearen parte da euskara, munduan zehar erabiltzen diren beste 6.000 hizkuntzak bezala. Elkarte sareak euskararen balioztatzearen parioa bakarrik eraman du luzaz. Hizkuntzaren gainbehera tipituz joan bada ere, ez da sekulan gelditu. 90. Hamarkadaz geroztik, botere publikoak hizkuntza politika publiko baten egituraketan engaiatu dira progresiboki.
Lehen urrats horren segidan gisa, elkargoei dagokie orain euskararen biziberritzea erronka duten politika publiko ausartak eramatea.
Hizkuntzari dagozkion 4 helbururi erantzuteko ahalmenak mobilizatu nahi ditu Biarritzeko Hiriak:
• Transmisioa, irakaskuntza eta ikaskuntza sustatu eta erraztu.
• Erabilpen soziala garatu.
• Erabilpena eta ikuspena hobetu.
• Prestigioan eta erakargarritasunean eragin.
Zerbitzu berri honen zeharkako jarduera zortzi ardatzen inguruan gauzatuko da:
1) Politika orokorra.
2) Komunikazioa.
3) Hizkuntza-paisaia.
4) Formakuntza profesionala.
5) Eragileen laguntza.
6) Hizkuntza ekintzak.
7) Irakaskuntza, Ikaskuntza, Haur ttpiak.
8) Informazioa eta sentsibilizazioa.
Helburuak ikusita, giza ahalmenak ere progresiboki emendatuko dira, langile batetik hirura pasatuz: zerbitzu buru bat, misio kargudun bat eta itzultzaile-interprete-argitalpen arduradun bat.
Lankidetza politika bat
2007tik abiatutako Euskararen Erakunde Publikoa eta Biarritzeko hiriaren arteko lankidetzari esker gauzatzen da proiektu hau. Estatua, Akitaniako Eskualdea, Pirinio Atlantikoetako Departamendua, euskal kulturaren sustenguari dagokion herriarteko Sindikatua eta Euskal Herriko hautetsien Kontseiluaz osatutako interes publikoko elkargoa den EEP-k lankidetza politika publiko hitzartu bat definitu eta gauzatu behar du.
Lehen aldia izanki hiri mailako euskara zerbitzu bat sortuko dela, 3 langileren dedikazioarekin, Euskararen Erakunde Publikoak indar hori sustengatuko du, ezohiko diru laguntza degresibo bat mobilizatuz (60.000€). Hiru urteko epe honen buruan, herriko etxea erabat autonomoa izanen da hizkuntza ekintzen finantzamendurako.
2015eko uztailaren 24ean izenpetu 3. belaunaldiko hitzarmenean kontraktualizatua izan da hori guzia. Proiektua heldu den sartzetik goiti gauzatuko da, beste proiektu eder batzuekin batera, '"Mintzalasai"€“ euskararen egunak Biarritzen '" 4. edizio aipagarriarekin, besteak beste.
Info+: http://euskara-biarritz.eu/liburu/irudiak/pdf/201507_SLB__FREU2.pdf
