2016ko Uztailaren 6a | ± 01 min 50 s

1988tik Madrilen bizi den Pierre Gonnord frantses argazkilariak artistikoak bezain akademiakoak diren potret hunkigarriak egiten ditu. Bere hondo beltzak, argi-ilunak, koloreen neurriak eta hiru laurdeneko posizio orientazioekin, ezin da ukatu argazkilariak Zurbarán edo Caravage bezalako XVII. mendeko maisuekin lotura egiten duela.

Formatu handiko potret errealista hauek modeloa sublimatzen dute, bere duintasuna berriz emateko asmoz. Konposizio minimalistan, begirada sakoneko pertsonai horiek beren presentzia liluragarriaren bidez inposatzen dira. Beren aurpegiak eta begiak esentzialak bezain bazterrezinak agertzen dira. Ikuslearekin elkarrizketa sortzen dute, barne-barneko dimentsio batean sartzeko parada. Potret deskriptibo eta introspektiboaren artean, Pierre Gonnord-ek gizakiaren sakontasuna xerkatzen du, itxura baino haratago, eta gure gizarte garaikideetan bizi den gizabanakoaren tokiaren galdera ere egiten du.

Erakusketa honetan hirurogei bat argazki bilduko dira -batzuk formatu biziki handian- Galizian, Portugalen eta Euskal Herrian hartutako "naturaren indarra" (bazter harrigarriak) eta "potretak-topaketak" pertsonen indarraren gaien inguruan (harri altxatzaileak edo beste herri kiroletako pertsonaiak). 2016 urte hastapenean hartutako azken zortzi potretak hiriak egindako eskaeratik datoz, Donostia 2016-ekin egin partaidetzaren karietara.

Indarrari dagokion gai horren haritik, munduan famatuak diren Oteiza eta Chillidaren eskulturez osatua izanen da erakusketa, beren obrek euskal indarra bera oroitarazten dutelarik. Horren kari, erakusketa katalogo bat eginen da.

>> INFO: "INDARRA", Pierre Gonnord"€“ Uztailaren 9tik urriaren 2ra

Bellevue"€“ Bellevue plaza"€“ Egunero idekia asteartean salbu, 11:00etatik 20:00etara. Prezioak: 7€ / 5€ / Urririk 12 urtetara

Antolakuntza: Kultura Arazoak 05 59 41 57 50"€“ culture@biarritz.fr

Xehetasunak erakusketa denboran: Bellevue 05 59 01 59 20