BOPB kluba euskararen alde engaiatzen da
2018ko urtarrilaren 31an, Michel Veunac auzapez jaunak ordezkatzen duen Miarritzeko herriko etxeak eta Nicolas Brusque Biarritz Olympique Pays Basque klubeko lehendakariak lankidetza hitzarmena izenpetu dute. Idazki horrek bi elementu nagusi jorratzea du xede: euskararen erabilera azkartzea egituraren barne bizian bai eta ere euskal kulturaren agerian ematea bere animazio politikaren baitan.
2018ko Otsailaren 1a | ± 01 min 03 s
BOPB Euskal Herrian errotutako eta hedapen zabala duen kluba da. Desmartxa horren bidez, bere posizionamendua azkartu nahi izan izan du. Hainbat neurri obratuko ditu ondoko egunetan: animazio elebiduna mikroan partida garaian, euskararen txertatzea komunikazio euskarri batzuetan, agente eta jokalari batzuen euskara iniziazioa edo euskal artisten programazioa Miarritzeko partidetan.
Herriko etxeko euskara zerbitzuak eta Maialen ETCHEVERRY bere kontseilari delegatuak izanen dute kluba zeregin guze hauetan laguntzeko ardura. Aitzin-hitzarmen hori 6 hilabeteko epearentzat izenpetua izan da. Datorren sasoiari begira, hasitako lan hau sakonduko da eta beste eragile instituzionalak batuko dira besteak beste.
Izenpedura horrek garrantzia berezia hartzen du euskal derbya egun batzuen buruan iraganen dela eta. Herriko etxea eta BOPB klubak euskararen biziberritzean haien ekarpena egiteko nahikeria berresten du, euskararen presentzia bizitza sozialean eta berezikiago kirol munduan azkartuz.
