2021eko Urriaren 6a | | ± 01 min 34 s

Ikusi-Mikusi, Euskarazko I. Haur eta Gazte Literatura Azoka

Sarako azokaren lehen egunetan, urriaren 8 eta 9an, Ikusi-mikusi iraganen da lehen aldiz. Egitasmoa Euskal Herri osora bideratua da eta Euskarazko haur eta gazte literatura du ardatz. Ostiralarekin,Euskal Herri osoko hainbat ikastetxeetako ikasleek bisitatuko dute azoka. Larunbatean, berriz, familientzako egitaraua prestatu dute. Azokako espazioa, jarduerak eta ikuskizunak haurrei nahiz gaztetxoei zuzendutakoak izango dira. Euskal lurralde guztietako literatura arloko profesionalak ere bertan izango dira: argitaletxeak, idazleak, ilustratzaileak, liburu-saltzaileak, bibliotekariak, ipuin kontalariak eta artistak.

Azokako ikuskizun zein tailerretan parte hartzeko, aurrez izena eman behar da, lekuak mugatuak baitira.

Informazio gehiago: www.ikusimikusi.eus

Ohiko biltzarra eta egun profesionala

Urriaren 10ean, igandean, berriz, ohiko azoka atxemanen dugu Sarako kirolegian: argitaletxeen salmenta postuak eta idazleen aurkezpenak eta sinatzeak. Egitaraua deskargatzeko: https://files.eke.eus/pdf/programme_biltzar_2021.pdf

Azkenik, urriaren 11an, astelehenarekin egun profesionala antolatua da. Gaia: Emazteak eta euskal literatura. Kari horretara, Sarako Biltzarra, Bilketa Sarea, Euskal Kultur Erakundea eta Biblio64 elkarteek mahai inguru, solasaldi, aurkezpen eta irakurketa antzeztua antolatu dituzte. Eduki aberats eta anitzeko egun hau, argitaletxeei, liburu saltzaileei, liburuzainei, idazleei, irakasleei, itzultzaileei edota ikasleei zuzendua da. Ikus egitaraua: https://www.eke.eus/eu/albisteak/sarako-biltzarra-liburugintzako-profesionalei-eguna