2021eko Otsailaren 17a | | ± 02 min 43 s

"Identifikatu beharrei erantzutzeko"

2020 urtean, webgune honetako bisitari kopurua 3 aldiz biderkatu da: 44.000 erabiltzaile, 70.500 saio, 136.000 orrialde bisitatu? Alde batetik konfinamenduaren ondorioa da, baina bestetik, erran behar da, elkarteko kideek sorturiko edukiak ausarki hedatuak izan direla.

Artikulu horiek sortzeko, hiztunek euskararekiko dituzuen beharretan oinarritu gira: haur euskaldunen guraso erdaldunek, euskaraz bizi nahi duten euskaldunek, tresna beharretan diren euskara ikasleek eta hizkuntzen inguruko interesa ase nahi dutenek.

Tresna praktikoa

Erabiltzaileek 3 berrikuntza nagusi ikusiko dituzue:

- Hobeki antolatuak diren edukiak: artikuluek sailkapen berria, atal berriak (potretak, lan eskaintzak?), barne eta kanpo loturak?

- Zerbitzuak sarean: euskaraz informatzeko hedabideak, zenbait egoeratan laguntzeko hiztegiak, sarean ikasteko kurtsoak, haurrentzako aisialdiak eta kultura helduentzat? Hori dena klik batean.

- Hizkuntzen kudeaketa dinamikoa: hizkuntza bakoitzak atari propioa duen arren, artikuluak ez dira beti berdin-berdinak izaten, hiztun motaren arabera egokitzen baitira. Gainera, euskaraz irakurtzea sustatzen da botoi klikagarri baten bidez, eta irakurketa maila eta denbora jakinarazten dizkizuegu.

"Euskararen mundura sartzeko atea"

Plataforma kolektiboa

Webgunea iF diseinuak-ek egin du, Mintzalasaien hastapenetik lan egiten baitugu berekin. Gaur egun, 7 kidek elikatzen dituzte sare sozialak, urte hastapen honetan finkatutako karta baten arabera. Bestalde, edozeinek proposa dezake artikulu bat, agendako hitzordu bat edo aurkitegiko eragile berri bat, horretarako eskaintzen ditugun inprimakiak betez.

Bestalde, sare sozialak osoki berregokitu ditugu. Horrela, kanal bakoitzean dagokion tonuarekin arituko gira, gure helburuak hobeki betetzeko. Kanal horiek (Facebook, Instagram, Youtube, Telegram?) ez dira soilik jendea webgunera bideratzeko; edukiak partekatzeko eta euskararen inguruan paradigma berri bat eraikitzeko tresnak baizik.

Tresna guzi horiek euskararen biziberritzearen alde lan egiteko dira. Zentzu horretan biziaraziko ditugu, euskararen munduaren erakusleiho izanez, bere aniztasunean. Orain denon gain da lotura hauek hedatzea eta ingurukoei partekatzea.

"4 atal deskubritzeko"

1) Berriak:

Euskararen berriak, potretak, lan-eskaintzak, baliabideak, partekatzeko ideiak, agenda bat eta informazio haria; euskarari konektatzeko.

2) Gure ekimenak:

Mintzalasai elkarteak antolatzen dituen 3 ekimenen (iraileko festibala, ekaineko euskaltegietako aktibitate programa eta urriko ikastetxeetako aktibitate programa) aurkezpen zehatzak.

3) Baliabideak:

Aurkitegi osatua, hiztegi txikiak, hizkuntzari buruzko gidak, besta antolatzaileentzako kita eta Interneten atzematen ahal diren tresnak.

4) Nor gira:

Mintzalasai hobeki ezagutzeko eta gurekin kontaktuan sartzeko.