2022ko Urtarrilaren 25a | | ± 02 min 36 s

Aurten, 10. aldiz, Miarritzeko eskola elebidunetako eta Ikastolako haurrak Santa Agate ospatzeko eta kantuz aritzeko elkartuko dira. 150 ikasle inguru elkartuko dira, makilak eskuan, otsailaren 3an kantuak eta bertsoak eskaintzeko askari eta goxokien truke.

Egun garrantzitsu horretarako prest izateko, haurrek kantuak prestatu dituzte gelan Arroka elkarteko bolondresekin eta bertsoak idatzi Bertsularien Lagunak elkarteko irakaslearekin.

Otsailaren 3an, beraz, ostegunarekin, Miarritzeko karriketan ibiliko dira. Parada izanen dute hirian euskara transmititzen duten guneak bisitatzeko: gau eskola, mediateka, Arima denda, Clemenceau plaza (15:00etan) eta Herriko Etxea (15:30ean).

Lau galdera Santa Agateri buruz

1) Nondik dator tradizio hori?

Jatorriz, Agate izeneko saindu siziliano bati erreferentzia egiten du. Familia noble batekoa zen bainan hezigaitza. Pertsekutatua izan zen eta martiri gisa otsailaren 5ean hil zen, ezkontza bortxatu bat ukatu ondoren. Urte bat berantago, Etna iratzarri eta suaren babeslea bilakatu zen, baita ere amañoen patroi saindua (bularren mozketari erreferentzia eginez, mendeku gisa).

Suarekin harreman honek, ohiturei kari, neguko solstizioaren inguruan egiten diren jende lerroak azaltzen ditu. Olentzerok argiaren itzultzea eta egunen luzatzearen berri eman ondoren, Santa Agatek su hori etxeetara eramaten du, erritu serie baten segidan inskribatuz.

2) Zertan datza?

Euskal herrian hamarkadak egiten du non ohitura den etxez etxe ibiltzea, kandela batek argiturik, bertsoak eta kantuak, jatekoa eta edatekoaren kontra trukatuz. Beharrean direnen alde bilketa egiteko parada da ere.

Makilek erritmoa markatzeko balio dute baita ere, etxeen aintzinean osatu den horma hausteko. Jendarte oneko momentu bat da non jendea elkartzen den, euskara eta kantuak biziarazteko borondateak animaturik.

3) Nola iritsi zen Biarritzera?

Frankismo garaian debekaturik, familia iheslariek eta biarriztar gazte batzuk ohitura hori arrasortu zuten berrogoita hamargarren hamarkadan.

Oldarrak zuen eramaten, eta 1979tik goiti, Arrokak. Santa Agate lehen aldikoz herriko etxean errezibitua izan zen 1992an.

4) Zein zentzu du 21. mendean?

Gaur egun, Santa Agate gaurko ekimen herrikoi bat da, elkartasunaren baloreen ekarle dena, eta harreman soziala sortzen duena. Erlijio neurria ezabatu da, besteengana joateko eta euskal kantuen ondarea haidorki eramateko gogoari lekua uzteko.