2020eko Apirilaren 29a | ± 02 min 42 s

Zer dira memeak?

Inork ez daki zehazki nondik eta noiz sortu ziren memeak. Azken finean, umorea egiteko modu bat da, teknologia berrietara egokituta. Memeak ohikoak bilakatu dira sare sozialetan: instagramen, facebooken, twitterren... Segurrenik, konfinamendu garai honetan mezu aplikazioen bidez ere jaso dituzue gehienek. Meme guztiek errezeta bera segitzen dute: irudi bat, bideo bat, marrazki bat hartu eta testu labur batekin umore ukitu bat gehitzen zaio.

Gehienetan, ironia eta satira erabiltzen dira eta batzuetan, mezu politiko bat pasatzeko ere erabil daitezke. Bestalde, usu erreferentzia zehatzak (pertsona famatuak, gertakariak,...) gehitzen zaizkie eta horregatik, testuinguru bera partekatzen duten pertsonek bakarrik ulertzen dituzte.

Hizkera bat ere sortu dela erran dezakegu memegintzaren inguruan: izan ere, ingelesezko memeetan erabiltzen diren hitzak gehitzen zaizkie euskarazkoei:"€œexpectation-reality”,"€œstarter pack”,"€œbe like”, etab. Horrelako esaldiak ikus daitezke (@xilabask kontuan):

“How you sartu in Bixenta"€“ How you atera”

“When lo hartu aitzin pentsatzen duzu: Hum gose naiz baina flem mugitzea, bihar goizean untsa gosalduko dut”.

Euskal memegintza

Euskal Herrian, iduri luke 2019ko urtarrilean sortu ziren lehen meme kontuak sare sozialetan. Eta konfinamendu garai honetan, Ipar Euskal Herrian agertu dira zenbait memegile. Denek anonimotasuna partekatzen dute: inork ez daki nor diren kontu horien gibelean diren pertsonak. Misterio puntu horrek jolas baten itxura ematen die memegileen kontuei.

Memeak hedatzeko errazak dira eta euskal memegileek arrakasta handia lortu dute. Adibidez, Ipar Euskal Herriko kontuen kasuan, @xilabask kontua da jarraitzaile gehien dituena (2435 ditu orain), baina besteek ere geroz eta jarraitzaile gehiago dituzte: @xalbator (414 jarraitzaile), @iparrmemegileak (313 jarraitzaile), eta Xilabask kontutik ateratako memegile"€œdisidente" baten kontu berria @xilabandecons (220 jarraitzaile).

Non atzeman daitezke?

Twitterren eta Facebooken ere atzeman ditzakegu, baina Instagramen dira memegileen kontu gehienak. Hemen dituzue zenbait lotura:

https://www.instagram.com/xilabask/?igshid=j2hvnlskbrlt

https://www.instagram.com/xalbator/?igshid=nd80vz20viyj

https://www.instagram.com/iparrmemegileak/?igshid=orzka2hjavhh

https://www.instagram.com/xilabandedecons/?igshid=8oiv83xskhkb

https://www.instagram.com/trapnaldo/?igshid=zyipk3b813yi

https://www.instagram.com/xolomogangstak/?igshid=1t5pat6v5wkvs

https://www.instagram.com/komandoalboka/?igshid=1pypnmbbnuyfv