Ekainaren 25a: Biarritzen kantuz!
Arroka elkartea, hilabeteko lehen igande guziz Kantalasai antolatzen duena, egun oso bat kantuari dedikatzearen desafioa altxatu du. Euskal Herri osotik jin taldeek euskal kantu arrakastatsuenak abestuko dituzte. Biarritzen gaindi ibiliz eta etapaz etapa Biarritzeko leku adierazgarrietatik pasatuz... 80 hamarkadan euskal kantua berpiztu zuten Iparraldeko kantagile kantariak bertan izanen dira.
2016ko Maiatzaren 31a | ± 01min 28s
1979 urtean, Biarritzen sortu zen Arroka Elkartea, hezkuntza herrikoia sustatzea, euskal kulturaren eta euskararen zaintzea eta garatzea xedeekin. Helburu horrekin, 17 urte baino gehiago dira elkarteko kideek "Kantalasai" antolatzen dutela.
Azken denbora hauetan Gernikan, Donostian, Bilbon, Iruñean edo Baionan antolatuak izan diren ekimenen itxurako gertakariak adibide gisa hartuz, aurten, euskal kantuaren ohoratzea Biarritzen erabaki du Arrokak.
2016ko ekainaren 25ean iraganen da, larunbatarekin. 10:00
Egun honen bitartez, euskal kantuaren berpiztean parte hartu duten Maite IDIRIN, Erramun MARTICORENA, Anje DUHALDE, Enaut ETXAMENDI, Ugutz eta Irkus ROBLES, Eneko LABEGUERIE, Gexan LANTZIRI Peio OSPITAL, Pantxoa CARRERE, Manex PAGOLA bertan izanen dira eta omenduak izanen dira ere.
Kantari taldeen ibilbidea goizean zehar (gune bakotxean taldeak akntatzeko geldituko dira):
10:00 Harrera Lassalle plaza lorategian
10:30: Euskaldunen kosta
11:00: Portu zaharreko esplanada
11:30: Santa Eugenia plaza
12:00: Atalaia goi zelaia
12:30: Bellevue plazatik
13:00: Herriko kasinoko esplanada
Ibilbide horren bukaeran,kantariak omendu ondotik, Kasinoko enbaxadoreen aretoan, 500 pertsonarendako apairu bat aurreikusia da.
Bertsoen eta bereziki besta handi eta eder batekin segituko du egunak
Biarritzen kantuz egun hori Irailan iraganen den kantu egunarekin senidetua da Donostia 2016 koadroan.